قولجازبالار جانە سيرەك كىتاپتار ۇلتتىق ورتالىعى 2024 جىلعى ارحەوگرافيالىق ەكسپەديتسيالار ناتيجەلەرى بويىنشا ەسەپ بەرىپ, ەلىمىزدىڭ تاريحىنا قاتىستى كونە دەرەكتەر كورسەتىلگەن «ۇلى دالا تاريحىنىڭ جازبا مۇرالارى» اتتى كورمەسىن ۇيىمداستىردى, دەپ حابارلايدى astana-akshamy.kz.
مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ ءۇشىنشى وتىرىسىندا ەلىمىزدىڭ تاريحىن زەرتتەۋ مەن ناسيحاتتاۋعا, ءتىل ماسەلەسىنە, ونوماستيكا, تاريحي مۇرالار مەن تاريحي تۇلعالارعا, تابيعي جانە تاريحي مەكەندەرگە, ەرەكشە نازار اۋداردى.
سونىمەن قاتار, پرەزيدەنت تاريحي-مادەني جادىگەرلەردى, ولاردىڭ كوشىرمەلەرىن قازاقستانعا قايتارۋ جۇمىستارىن جانداندىرۋ دا اسا ماڭىزدى ەكەنىن اتاپ ءوتتى.
ءىس-شاراعا ورتالىق مەملەكەتتىك ورگان, قر قر پارلامەنتىنىڭ ءماجىلىس دەپۋتاتتارى, قازاقستان مۇسىلماندارى ءدىني باسقارماسى, كىتاپحانالار مەن ارحيۆ وكىلدەرى جانە قوعام قايراتكەرلەرى قاتىستى.
كورمەدە ۇلىبريتانيادان اكەلىنگەن 15 قولجازبا مەن ارحيۆتىك قۇجاتتىڭ كوشىرمەلەرى جانە رەسپۋبليكا اۋماعىندا انىقتالعان 150-دەن اسا كونە قولجازبا مەن سيرەك قۇندى كىتاپتار كورمەگە قويىلدى. ولاردىڭ ىشىندە تۇركى-يسلام مادەنيەتىنىڭ قۇندى ەسكەرتكىشى, العاش تۇركى تىلىنە اۋدارىلعان قاسيەتتى قۇران كىتابى (X-XII عع.), ءابۋ ناسىر ءال-فارابي, قوجا احمەت ياسساۋي, سۇلەيمەن باقىرعاني ەڭبەكتەرىنىڭ كوشىرمەلەرى, XI عاسىرداعى پارسى تاريحشىسى گارديزيدىڭ «زەين-ءال-احبار» قولجازباسى, ت.ب. بار.
سونىمەن قاتار, «ULY DALA MURASY» عىلىمي-تانىمدىق جۋرنالىنىڭ جاڭا نۇسقاسى جانە شەتەلدەردە انىقتالعان كونە دەرەكتەر بويىنشا «شەتەلدىك قورلارداعى قۇندى جازبا مۇرالارى» اتتى كاتالوگ-البومىنىڭ تۇساۋى كەسىلدى.
سونىمەن قاتار, ۇلتتىق قۇندىلىقتارىمىزدى جيناقتاۋ, ولاردى كەلەر ۇرپاققا ساقتاۋدىڭ ماڭىزدىلىعى مەن وسى سالادا بۇگىنگى كۇنى تۋىنداعان وزەكتى ماسەلەلەرى تالقىلاندى.
