استانا اكىمدىگىنىڭ شەشىمى بويىنشا ۇلى وتان سوعىسىنداعى جەڭىستىڭ 79 جىلدىعىنا وراي ۇوس ارداگەرلەرىنە تولەنەتىن تولەم سوماسى ەكى ەسەگە ۇلعايدى. وسىلايشا, ۇوس ارداگەرلەرى 2 ميلليون تەڭگەدەن الادى. بۇگىنگى تاڭدا ەلوردادا ۇوس-تىڭ 7 ارداگەرى تۇرادى, دەپ حابارلايدى astana-akshamy.kz.
سونىمەن قاتار, تولەمدەردى ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر (قاتىسۋشىلارى مەن مۇگەدەكتەرىنەن باسقا) (ۇوس كەزەڭىندە قىزمەت وتكەرگەن اسكەري قىزمەتشىلەر, فاشيستىك گەرمانياعا قارسى ءىس-قيمىلدارىنا قاتىسقان ادامدار, لەنينگراد قالاسىندا بلوكادا كەزەڭىندە جۇمىس ىستەگەن ازاماتتار, كونتسلاگەرلەردىڭ كامەلەتكە تولماعان تۇتقىندارى, جارالانۋى سالدارىنان مۇگەدەك بولعان اسكەري قىزمەتشىلەر. ازاماتتىق نەمەسە اسكەري ماقساتتاعى نىساندارداعى رادياتسيالىق اپاتتار مەن يادرولىق سىناقتار سالدارىنان مۇگەدەكتىگى انىقتالعان ادامدار جانە ولاردىڭ بالالارى, مۇگەدەكتىگى اتا-اناسىنىڭ ءبىرىنىڭ رادياتسيالىق ساۋلەلەنۋىمەن گەنەتيكالىق بايلانىستى) – 45 اەك (166 140 تەڭگە) مولشەرىندە الادى.
باسقا مەملەكەتتەردىڭ اۋماعىنداعى اسكەري ءىس-قيمىلدارىنىڭ ارداگەرلەرى (اۋعانستانداعى دەيستۆي قيمىلدارىنىڭ ارداگەرلەرىنەن باسقا) (تاجىك-اۋعان ۋچاسكەسىندە, يراكتاعى حالىقارالىق بىتىمگەرشىلىك وپەراتسياسىندا مىندەتتەردى ورىنداعان اسكەري قىزمەتشىلەر), تاۋلى قاراباحتاعى ەتنوسارالىق قاقتىعىستى رەتتەۋدە – 45 اەك (166 140 تەڭگە).
«ارداگەرلەر تۋرالى» قازاقستان رەسپۋبليكاسى زاڭىنىڭ كۇشى قولدانىلاتىن باسقا ادامدار (تىل ەڭبەككەرلەرى, قازا تاپقان اسكەري قىزمەتشىلەردىڭ وتباسىلارى, قايتىس بولعان ۇوس مۇگەدەگىنىڭ جۇبايى (زايىبى) – 15 اەك (55 380 تەڭگە) مولشەرىندە الادى.
