ۋنيۆەرسيتەت تۇلەكتەرىنە ءدارىس وقىدى

ماقسۇت نارىكباەۆ ۋنيۆەرسيتەتىندە وتكەن «بوس ورىندار جارمەڭكەسىنە» قازاقستان رەسپۋبليكاسىنداعى اقجۋ كەڭسەسى وكىلدەرى دە قاتىستى.

بوس جۇمىس ورىندارى جارمەڭكەسى – ۋنيۆەرسيتەت تۇلەكتەرىن جۇمىسقا ورنالاستىرۋدى جەڭىلدەتۋگە باعىتتالعان ءىس-شارا.

جارمەڭكە بارىسىندا ماقسۇت نارىكباەۆ ۋنيۆەرسيتەتىنىڭ تۇلەكتەرىمەن جانە پروفەسسورلىق-وقىتۋشىلىق قۇرامىمەن كەزدەسۋ وتكىزىلىپ, كەڭسە وكىلدەرى ۋاكىل مەن ادام قۇقىقتارى جونىندەگى ۇلتتىق ورتالىقتىڭ (ۇقو) وكىلەتتىكتەرى تۋرالى ايتتى. سونىمەن قاتار, ماماندار مەملەكەتتىك قىزمەتكە كىرۋ ءتارتىبىن رەتتەيتىن ەڭبەك زاڭناماسى مەن زاڭناما تالاپتارىن, ءبىلىم بەرۋ سالاسىنداعى قۇقىقتار مەن مەملەكەتتىك كەپىلدىكتەردى ساقتاۋ ماسەلەلەرىن, ءبىلىم بەرۋ نىسانىن تاڭداۋ قۇقىعىن, ازاماتتارعا, سونىڭ ىشىندە شەتەل ازاماتتارىنا جوعارى ءبىلىم الۋ كەپىلدىكتەرىن ءتۇسىندىردى.

ايتا كەتۋ كەرەك, شاراعا ماقسۇت نارىكباەۆ ۋنيۆەرسيتەتىنىڭ 67 وقىتۋشىسى مەن 123 تۇلەگى قاتىستى. كەزدەسۋ قازاقستانداعى بىرىككەن ۇلتتار ۇيىمىنىڭ دامۋ باعدارلاماسى (بۇۇدب) مەن ادام قۇقىقتارى جونىندەگى ۋاكىل كەڭسەسى جۇزەگە اسىرىپ جاتقان حالىقتى قۇقىقتىق تاربيەلەۋ جونىندەگى بىرلەسكەن جوبا اياسىندا ءوتتى.

ازاماتتاردى قۇقىقتىق تاربيەلەۋ – ادام قۇقىقتارى جونىندەگى ۋاكىل مەكەمەسى قىزمەتىنىڭ نەگىزگى باعىتتارىنىڭ ءبىرى. جىل باسىنان بەرى بۇل باعىتتا 43 مىڭنان استام ادامدى قامتىعان 100-دەن استام كەزدەسۋلەر, دارىستەر, كەڭەستەر جانە باسقا دا شارالار وتكىزىلسە, بۇل كورسەتكىش وتكەن جىلمەن سالىستىرعاندا 2,5 ەسەگە جوعارى.