استانادا قازاق مۋزىكا ونەرىن ناسيحاتتاۋعا ۇلەس قوسقان الەكساندر زاتاەۆيچكە ارنالعان مۋرال اشىلدى.
پولشا رەسپۋبليكاسى پرەمەر-ءمينيسترىنىڭ كەڭسەسىمەن بىرلەسىپ ەلوردانىڭ قازاقستان حالقى اسسامبلەياسىنىڭ «Polacy» قوعامدىق بىرلەستىگى ۇيىمداستىرىلعان ءىس-شارا استانا قالاسى ىشكى ساياسات باسقارماسىنىڭ قولداۋىمەن ءوتتى.
– 2024 جىلدىڭ 20 ناۋرىزىندا الەكساندر زاتاەۆيچتىڭ تۋعانىنا 155 جىل تولادى. ول «قازاق حالقىنىڭ 1000 ءانى» جيناعىن جيناپ, ۇلتتىق ونەردى ناسيحاتتاۋعا ۇلەس قوستى. 2300 قازاق ءانى مەن كۇيىن جيناپ, تىركەدى. بۇل ەڭبەگى قازاق مۋزىكاسىنىڭ انتولوگياسىنا اينالدى, – دەدى جوبا جەتەكشىسى ەلەنا روگوۆسكايا.
«Polacy» قب جوبالارىنىڭ جەتەكشىسى يۋليا سپيريدونوۆا ەتنوگراف, كومپوزيتور الەكساندر زاتاەۆيچ قازاقستاننىڭ كاسىبي فورتەپيانو مۋزىكاسى اۆتورلارىنىڭ ءبىرى ەكەنىن ايتتى.
«كوكتەمدە ءبىز بەلگىلى پولياكتاردىڭ ىزىمەن ەكسكۋرسيا ۇيىمداستىرىپ, قازاقستان توپىراعىندا بولعان پولياك ازاماتتارىنىڭ جەرگىلىكتى مادەنيەت پەن ونەرگە قوسقان ۇلەسىن قوزعايمىز. بۇل پولشا مەن قازاقستان اراسىنداعى تىعىز بايلانىستاردى نىعايتۋعا ىقپال ەتەدى» دەدى «Polacy» قوعامدىق بىرلەستىگىنىڭ پولياك جەكسەنبىلىك مەكتەبىنىڭ وقىتۋشىسى اگنەشكا ەرمولوۆيچ.
