بەلسەندى ۇزاق ءومىر ءسۇرۋ ورتالىعىنىڭ قىزمەت الۋشى زەينەتكەرلەرى ەجەلدەن كەلە جاتقان يگى داستۇرلەرىمىزدىڭ ءبىرى – قىمىزمۇرىندىق مەرەكەسىن اتاپ ءوتتى, دەپ حابارلايدى astana-akshamy.kz
قىمىز مەرەكەسىنە ورتالىق قىزمەتكەرلەرى مەن قالا زەينەتكەرلەرى, «ەلوردا اقساقالدارى كەڭەسى» قوعامدىق بىرلەستىگىنىڭ ارداگەر اقساقالدارى, قالا قوناقتارى جينالدى.
مەرەكەلىك ءىس-شارانى استانا قالاسى اكىمدگىنىڭ بەلسەندى ۇزاق ءومىر ءسۇرۋ ورتالىعىنىڭ سارىارارقا اۋدانى بويىنشا باسشىسى كەنجەبولات باپيشەۆ قۇتتىقتاۋ سوزبەن اشىپ, جينالعانداردى قىمىزدى باپتاۋ, قامشى ءورۋ جارىستارىن, اق جاۋلىقتى اجەلەردىڭ قول ونەر كورمەسى مەن ونەرلى اتا-اجەلەر دايىنداعان كونتسەرتتى تاماشالاۋعا شاقىردى.
ءبيشى اجەلەردەن قۇرالعان «ادەمى ءداۋىر» بي توبى «قىمىز قۇيعان اق بىلەك» ءبيىن كورەرمەن نازارىنا ۇسىنىپ, جينالعاندارعا قىمىز بەن باۋىرساق تاراتىلدى.
سارىارقا اۋدانىنىڭ كوركەم ونەرپازدارى دايىنداعان كونتسەرتتىك باعدارلاما كورەرمەن كوڭىلىنەن شىقتى. اسىرەسە, «اقجاۋلىقتى اجەلەر, Kerbez_modals» توبىنىڭ, «گاۋھارتاس» بي توبىنىڭ مەن نۇربولات بەكەتاەۆتىڭ ونەرلەرى قوشەمەتكە يە بولدى.
سونىمەن قاتار, قىمىز مەرەكەسىنە جينالعاندارعا بەلسەندى ۇزاق ءومىر ءسۇرۋ ورتالىعىنىڭ قىزمەتكەرلەرى گۇلنار شاراپيدەنوۆا مەن فاريدا قاسەنوۆا ساۋمالدىڭ ەمدىك قاسيەتى مەن قىمىزدىڭ تۇرلەرى تۋرالى كوپتەگەن پايدالى اقپارات بەردى.
