ەلوردا تۇرعىنى جالعان اقپارات جاريالاپ, تاراتقانى ءۇشىن جاۋاپقا تارتىلدى, دەپ حابارلايدى astana-akshamy.kz/
TikTok الەۋمەتتىك جەلىسىندە استانا تۇرعىنى شىعىس قازاقستان وبلىسى كۇرشىم اۋدانى مارالدى اۋىلىنداعى جاعدايدى باياندايتىن ۆيدەو جاريالادى.
ايەل اۋىل تۇرعىندارىنىڭ 3 جىلدان بەرى التىن وندىرەتىن فابريكانىڭ زاڭسىز قۇرىلىسىمەن كۇرەسىپ, كەن ءوندىرۋ كەزىندە ۋلى زات قولدانىپ, جارىلىس جاسايتىنىن ايتادى. ۆيدەورەپورتاج بارىسىندا ارنا اۆتورى جازىلۋشىلارىنان بەينەنى تاراتۋدى سۇراعان.
پوليتسيا قىزمەتكەرلەرى تەكسەرۋ جۇرگىزىپ, ناتيجەسىندە قولدانۋشى تاراتقان اقپاراتتىڭ دۇرىس ەمەستىگى بەلگىلى بولعان. جالعان اقپاراتتى ورنالاستىرۋ جانە تاراتۋ فاكتىسى بويىنشا 45 جاستاعى ەلوردا تۇرعىنىنا قاتىستى قر اقبتك-ءنىڭ 456-2-بابىنىڭ 5-بولىگى بويىنشا اكىمشىلىك ءىس قوزعالدى. سوت وعان 30 اەك كولەمىندە ايىپپۇل سالۋ تۋرالى شەشىم شىعاردى
