جاڭا كامەرالار اۆتوبۋستاردا بيلەتسىز جولاۋشىلاردى انىقتايدى
«City Transportation Systems» جشس «استانا قالاسىنىڭ قوعامدىق كولىگىندەگى بەينەاناليتيكا جۇيەسى» يننوۆاتسيالىق جوباسىن ىسكە قوسادى, دەپ حابارلايدى astana-akshamy.kz.
جوبانىڭ ماقساتى – جولاۋشىلارعا قىزمەت كورسەتۋ ساپاسىن جاقسارتۋ, بيلەتسىزدەر سانىن ازايتۋ جانە قوعامدىق كولىكتەردەگى قاۋىپسىزدىكتى ارتتىرۋ.
جوبانىڭ پيلوتتىق كەزەڭى اياسىندا 2 مامىردا №24 مارشرۋتتىڭ ءبىر اۆتوبۋسىندا ناقتى ۋاقىت رەجيمىندە دەرەكتەردى تالداۋعا مۇمكىندىك بەرەتىن كامەرالار, روۋتەرلەر جانە بورتتىق كومپيۋتەر ورناتىلعان. ءار ەسىككە قاراما-قارسى ورنالاسقان كامەرالار كىرگەن جولاۋشىلاردىڭ سانىن ەسەپتەپ, تولەم تۋرالى مالىمەتتەردى سالىستىرادى. بۇل بيلەتسىز جولاۋشىلار سانىن, مارشرۋتتىڭ ۋاقىتى مەن ۋچاسكەلەرىن ءدال انىقتاۋعا مۇمكىندىك بەرەدى. سونداي-اق ناقتى ۋاقىتتاعى اقپارات CTS كولىكتىك باقىلاۋ دەپارتامەنتىنە تۇسەدى.
بەينەباقىلاۋ پيلوتتىق جوباسى ىسكە قوسىلعان ساتتەن باستاپ ءبىر اۆتوبۋستا جۇيەمەن 2 مىڭنان استام بيلەتسىز جول ءجۇرۋ جاعدايى انىقتالدى. بۇل پيلوتتىق جوبا بولعاندىقتان, جولاۋشىلارعا ايىپپۇل سالىنباعان.
CTS-تە جوبانىڭ تولىق ىسكە قوسىلۋى مەن ىسكە اسىرىلۋ بارىسى تۋرالى قوسىمشا حابارلانادى.