«تازا قازاقستان. استانا – تازالىق پەن ءتارتىپتىڭ ۇلگىسى» اتتى ەكولوگيالىق اكتسيا اياسىندا استانانىڭ ورتالىق ساياباعىندا «Plogging جانە سپورتتىق باعدارلاۋ» جارىسى ءوتتى.
مۇنداي اكتسيالار وسكەلەڭ ۇرپاقتى قورشاعان ورتاعا بايىپپەن قاراۋعا ۇيرەتەدى جانە قاراپايىم ەكولوگيالىق ادەتتەردى بويىنا سىڭىرەدى. وسىنى ەسكەرە كەلە, استانانىڭ سپورتتىق باعدارلاۋ فەدەراتسياسى بالالار مەن جاسوسپىرىمدەر ءتۋريزمى جانە ولكەتانۋ ورتالىعىمەن بىرلەسىپ, استانا قالاسى ءبىلىم باسقارماسىنىڭ قولداۋىمەن ۇيىمداستىرىلعان جارىسقا ەلوردالىق مەكتەپتەردەن بارلىعى 31 كوماندا قاتىستى.
قالالىق سپورتتىق باعدارلاۋ فەدەراتسياسىنىڭ وكىلى اسەل باياحمەتوۆانىڭ ايتۋىنشا, اكتسيانىڭ ەرەكشەلىگى سول, جاس سپورتشىلار جارىس بارىسىندا جول بويىنداعى قوقىستى جينادى.
– ءار كوماندا 4 قاتىسۋشىدان تۇردى: 10-14 جاس ارالىعىنداعى 2 ۇل جانە 2 قىز. قاتىسۋشىلاردىڭ ءبارى قوقىس دوربالارى مەن قولعاپتارمەن جابدىقتالدى. سپورتتىق ءىس-شارا بارىسىندا قاتىسۋشىلار كارتا مەن كومپاستىڭ كومەگىمەن جەرگىلىكتى جەردە ورنالاسقان باقىلاۋ پۋنكتتەرىن, ولاردىڭ 8-ءىن تابۋى كەرەك جانە مارەگە مۇمكىندىگىنشە تەز جەتۋى قاجەت. جارىستىڭ باستى ەرەكشەلىگى – سپورتشىلار جول بويىندا كەزدەسكەن قوقىستى جيناۋى ءتيىس. مارە سىزىعىندا جينالعان قوقىس ولشەنەدى. ياعني, جارىس قورىتىندىسىندا سپورتشىلاردىڭ مارەگە جەتۋ جىلدامدىعى دا, جينالعان قوقىستىڭ سالماعى دا ەسكەرىلدى, – دەدى اسەل باياحمەتوۆا.
ۇيىمداستىرۋشىلار مۇنداي ءىس-شارالار دەنساۋلىقتى جاقسارتۋعا ىقپال ەتەتىنىنە جانە سونىمەن بىرگە قورشاعان ورتانى تازارتۋعا ۇلكەن ۇلەس قوساتىنىنا سەنىمدى. بۇل رەتتە بالالار-جاسوسپىرىمدەر ءتۋريزمى جانە ولكەتانۋ ورتالىعى ديرەكتورىنىڭ مىندەتىن اتقارۋشى اسىلان كەنجەعاليەۆ پىكىر ءبىلدىردى. ايتۋىنشا, مۇنداي ءىس-شارا وقۋشىلار اراسىندا ەكولوگيالىق بەلسەندىلىكتى دامىتۋ جانە سالاۋاتتى ءومىر سالتىن قالىپتاستىرۋ, پلوگينگتى كەڭىنەن ناسيحاتتاۋ ماقساتىندا وتكىزىلەدى.
– جۇگىرۋ كەزىندە جارىسقا قاتىسۋشىلار ساياباقتاعى نەمەسە جاعالاۋ بويىنداعى قوقىستى جيناۋعا باسىمدىق بەرەدى. پلوگينگتىڭ ارتىقشىلىقتارىنىڭ ءبىرى – جۇرت نازارىن قورشاعان ورتانىڭ لاستانۋىنا اۋدارۋ. دەمەك, جانعا راحات, كوڭىلگە شاتتىق سىيلايتىن تازالىق شارالارىن كوبىرەك ۇيىمداستىرۋدىڭ پايداسى مول, – دەدى اسىلان كەنجەعاليەۆ.
جارىس قورىتىندىسى بويىنشا سپورتتىق ءىس-شاراعا بەلسەنە قاتىسا وتىرىپ, قالانىڭ تازالىعىنا دا ۇلەس قوسقان ك.اقىشەۆ اتىنداعى №69 مەكتەپ-گيمنازياسىنىڭ كومانداسى ءبىرىنشى ورىندى جەڭىپ الدى. ال اباي قۇنانبايۇلى اتىنداعى №87 مەكتەپ-گيمنازياسىنىڭ قاتىسۋشىلارى ەكىنشى ورىنعا يە بولدى. ءۇشىنشى ورىندى قالاداعى №53 مەكتەپ-ليتسەيى, د.قوناەۆ اتىنداعى №66 مەكتەپ-ليتسەيى, ا.ءال-ماشاني اتىنداعى №92 مەكتەپ-ليتسەي جانە №21 ورتا مەكتەپ كوماندالارى ءوزارا ءبولىستى.
