«AMANAT» پارتياسى استانا قالالىق فيليالىنىڭ ۇيىمداستىرۋىمەن «باقىتتى وتباسى» جوباسى اياسىندا ەلوردالىق جاس وتباسىلار لينەينىي ساياباعى اۋماعىنا شىرشا كوشەتتەرىن ەكتى, دەپ حابارلايدى astana-akshamy.kz
حالىقارالىق وتباسى كۇنىنە وراي ۇيىمداستىرىلعان ءىس-شاراعا جاس كاسىپكەرلەر, مۇعالىمدەر جانە دارىگەرلەر قاتىستى.
«مەملەكەت باسشىسى قولداۋ كورسەتكەن «تازا قازاقستان» ەكولوگيالىق اكتسياسى جاي عانا ناۋقاندىق شارا ەمەس. قالانى تازا ۇستاۋ, اباتتاندىرۋ, كوشەتتەر وتىرعىزۋ سىندى ەكولوگيالىق شارالار جالعاسىن تاۋىپ, ءاربىر تۇرعىن يگى ىسكە بەلسەندى تۇردە اتسالىسادى دەگەن ۇمىتتەمىن. بۇل وزىمىزبەن قاتار قالامىز بەن بولاشاق ۇرپاق ءۇشىن دە اسا ماڭىزدى», – دەپ اتاپ ءوتتى «AMANAT» پارتياسى استانا قالالىق فيليالىنىڭ اتقارۋشى حاتشىسى مۇحاممەد بولىسبەك.
ءىس-شاراعا قاتىسقان باستاۋىش پارتيا ۇيىمدارىنىڭ مۇشەلەرى كوشەتتەردى ۋاقىتىلى سۋارىپ تۇرۋعا ۋادە بەردى. سونداي-اق پارتيالاستار مۇنداي ەكولوگيالىق اكتسيا وسكەلەڭ ۇرپاقتى وتانسۇيگىشتىككە تاربيەلەپ, قالانى تازا ۇستاۋعا ىقپال ەتەتىنىنە سەنىم ءبىلدىردى.
حالىقارالىق وتباسى كۇنى – وتباسىلىق قۇندىلىقتاردى ناسيحاتتاۋعا, ۇلتتىق تاربيەنىڭ ءمانى مەن مازمۇنىن اشا تۇسۋگە, مەيىرىم مەن ماحابباتقا قانىق ۇرپاق تاربيەلەۋگە زور ىقپال ەتەتىن مەرەكە.
