استانا قالاسى ءماسليحاتىنىڭ توراعاسى ەرلان كاناليموۆ باستاعان ءبىر توپ ءماسليحات دەپۋتاتى قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىنا باردى. دەپۋتاتتارعا «جاس سارباز» جاستار ۇيىمىنىڭ استانالىق جاستار اراسىندا اسكەري-پاتريوتتىق تاربيە بەرۋ بويىنشا ءىس-شارالار كەشەنى تانىستىرىلدى.
اتاپ ايتقاندا, ءماسليحات دەپۋتاتتارى «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگى استانا قالالىق فيليالىنىڭ جۇمىستارىمەن جانە «Jas Sarbaz hub» كوۆوركينگ ورتالىعىمەن تانىستى.
ءماسليحات توراعاسىنىڭ ايتۋىنشا, ەلوردانىڭ 60 مەكتەبى مەن 20 كوللەدجىندە «جاس سارباز» سىنىپتارى مەن كلۋبتارى جۇمىس ىستەيدى. جىل سايىن قوزعالىس قاتارىنا مىڭنان استام ءجاسوسپىرىم كىرەدى, ال ۇيىم قۇرىلعان ساتتەن باستاپ استانادا 150-گە جۋىق اسكەري-پاتريوتتىق كلۋبتار مەن سىنىپتار اشىلدى.
تاربيەلەنۋشىلەردىڭ جالپى سانى 10 000 ادامنان اسادى. وسى جىلى 20-دان استام ءىرى ءىس-شارالاردى ىسكە اسىرۋ جوسپارلانۋدا.
جيىندا «جاس سارباز» قوزعالىسىن ءارى قاراي دامىتۋ جونىندە ۇسىنىستار ايتىلىپ, الداعى اتقاراتىن جۇمىستار بەكىتىلدى. ەرلان كاناليموۆ ءماسليحاتتىڭ بەيىندى كوميسسيالارى مەن جاۋاپتى مەملەكەتتىك ورگاندارعا «جاس سارباز» اسكەري-پاتريوتتىق باعىتىنىڭ جوباسى شەڭبەرىندە جاستار اراسىندا اسكەري-پاتريوتتىق تاربيە دەڭگەيىن ارتتىرۋ جانە بالالارمەن ساباق ۇيىمداستىرۋ بويىنشا بىرىڭعاي كەشەندى جوسپار ازىرلەۋدى تاپسىردى.
