«Astana Polytechnic» جوعارى كوللەدجىنىڭ قابىرعاسىندا «جاساندى ينتەللەكت – ەڭبەك نارىعىن ترانسفورماتسيالاۋ» تاقىرىبىنداعى رەسپۋبليكالىق فورۋم ءوتتى, دەپ حابارلايدى astana-akshamy.kz
ءىس-شاراعا پارلامەنت پالاتالارىنىڭ دەپۋتاتتارى, ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا, وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا, استانا قالاسى اكىمدىگىنىڭ وكىلدەرى, سونداي-اق وقىتۋشىلار مەن ستۋدەنتتەر قاتىستى.
ءسوز باسىندا سۆەتلانا جاقىپوۆا جوعارى پوليتەحنيكالىق كوللەدجدىڭ ۇجىمى مەن ستۋدەنتتەرىن وقۋ ورنىنىڭ قۇرىلعانىنا 30 جىل تولۋىمەن قۇتتىقتاپ, ءبىلىم ورداسىنىڭ باسشىلىعىنا بولاشاق مامانداردى دايارلاۋ مەن تاربيەلەۋگە قوسقان ۇلەسى ءۇشىن العىس حات تابىس ەتتى.
ەحاقم باسشىسى جاڭا تەحنولوگيالار مەن تسيفرلاندىرۋدىڭ ەڭبەك نارىعىنا اسەرى تۋرالى باياندادى.
«وسى جىلدىڭ قاڭتارىندا حالىقارالىق ۆاليۋتا قورىنىڭ باعالاۋى بويىنشا الەمدەگى جۇمىسپەن قامتۋدىڭ 40%-عا جۋىعى جاساندى ينتەللەكت ىقپالىنا ۇشىرايدى, ونىڭ ىشىندە ول ەكونوميكاسى دامىعان ەلدەردە 60%, دامۋشى نارىق ەلدەرىندە 40% جانە تابىسى تومەن ەلدەردە 26% ورىن الماق. اعىمداعى جىلدىڭ اقپان ايىندا Ernst&Young جالپى الەمدە جۇمىس ورىندارىنىڭ 59%–ىنا جاساندى زياتكەرلىكتىڭ جوعارى نەمەسە ورتاشا دارەجەدە اسەر ەتەتىنىن حابارلادى, دامىعان ەلدەردە بۇل ۇلەس جوعارى جانە 67% بولسا, دامۋشى ەلدەردە-57%. ينجەنەريا, بيومەديتسينالىق عىلىمدار, كومپيۋتەرلىك جانە ماتەماتيكا سالالارىنا, سونداي-اق زاڭ سەكتورىنا ەڭ كوپ اسەر ەتەدى دەپ سانالادى, ال ەڭ از ىقپالى الەۋمەتتىك سەكتوردا, ءبىلىم بەرۋ سالاسىندا, قوعامدىق تاماقتاندىرۋ مەن كوسمەتولوگيالىق قىزمەتتەردە كۇتىلەدى», – دەدى سۆەتلانا جاقىپوۆا.
ءمينيستردىڭ ايتۋىنشا, ەڭبەك رەسۋرستارىن دامىتۋ ورتالىعىنىڭ بازاسىندا نەگىزگى ورىندالاتىن فۋنكتسيالاردى تالداۋ نەگىزىندە قازاقستانداعى جۇمىسكەرلەردى اۆتوماتتار مەن جي-مەن الماستىرۋ الەۋەتى زەرتتەلگەن. قازىرگى ۋاقىتتا جۇمىس ورىندارىنىڭ 25% – ى اۆتوماتتاندىرۋ قاۋپى ورتاشا جانە جوعارى جۇمىس ورىندارىنا جاتادى, ال جۇمىس ورىندارىنىڭ شامامەن 12% – ى جاساندى ينتەللەكتتى پايدالانۋ ارقىلى فۋنكتسيالاردى ورىنداۋدىڭ ورتاشا جانە جوعارى ىقتيمالدىعىنا يە. وسىلايشا, جاعدايلاردىڭ بەلگىلى ءبىر جيىنتىعى كەزىندە شامامەن 2,2 ميلليون جۇمىس ورنى اۆتوماتتاندىرىلۋى مۇمكىن, ونىڭ ءبىر ميلليوننان استامى – جاساندى ينتەللەكتتى كەڭىنەن ەنگىزۋ ەسەبىنەن بولادى.
ءسوز سوڭىندا سۆەتلانا جاقىپوۆا جالپى العاندا, ودان ءارى يننوۆاتسيالار مەن ەكونوميكالىق ءوسۋ, ەڭ الدىمەن, ادامي كاپيتالدىڭ دامۋ دەڭگەيىنە بايلانىستى ەكەنىن اتاپ ءوتتى جانە قازىرگى زاماندا بارلىق نارسەنىڭ جىلدام وزگەرىسكە ۇشىراۋىنا بايلانىستى ستۋدەنتتەرگە ءوز بىلىمدەرى مەن كاسىبي داعدىلارىن ۇنەمى جەتىلدىرىپ وتىرۋعا كەڭەس بەردى.
