ءابدىراحىم نۇرمۋحامەد – تۇركىستان وبلىسى سارىاعاش اۋدانى, ىنتىماق اۋىلىندا دۇنيەگە كەلگەن. ونىڭ بالالىق شاعى تابيعات اياسىندا, قاراپايىم اۋىل ومىرىمەن وتكەن. بالا كەزىنەن سپورتقا دەگەن قىزىعۋشىلىعى دا ەرەكشە بولدى.
نۇرمۋحامەد اۋىل مەكتەبىندە وقىپ ءجۇرىپ ءتۇرلى جارىستارعا قاتىستى. بىراق, ۋاقىت وتە كەلە دجيۋ-دجيتسۋعا كوڭىل ءبولىپ, وسى سپورت ءتۇرىن تەرەڭ مەڭگەرۋگە بەل بۋدى. ونىڭ ەڭبەكقورلىعى مەن تاباندىلىعى كوپتەگەن جارىستارعا قاتىسۋعا ىنتالاندىردى. ەڭ ۇلكەن جەتىستىكتەرىنىڭ ءبىرى – 2017 جىلى دجيۋ-دجيتسۋدان جاسوسپىرىمدەر مەن جاستار اراسىندا وتكەن قر چەمپيوناتىندا 3-ورىندى يەلەنۋى. بۇل جەڭىس ونىڭ سپورتقا دەگەن قاجىرلى ەڭبەگىنىڭ ناتيجەسى بولدى.
سپورتتان بولەك, ءابدىراحىم نۇرمۋحامەد بالا كەزىنەن پوليتسيا قىزمەتكەرى بولۋدى دا ارمانداعان.
«ەلگە قىزمەت ەتۋ – ءاربىر ەر ادامنىڭ مىندەتى» دەگەن قاعيدانى ۇستانعان ول, بۇگىندە پوليتسيا اعا لەيتەنانتى بولىپ, استانا قالاسى پد نۇرا اۋدانىنىڭ كريمينالدىق پوليتسيا بولىمىندە جەدەل ۋاكىلى قىزمەتىن اتقارادى. ونىڭ مىندەتى – قىلمىسپەن كۇرەسۋ جانە ازاماتتاردىڭ قاۋىپسىزدىگىن قامتاماسىز ەتۋ.
بۇگىن ءابدىراحىم نۇرمۋحامەد ءۇشىن سپورت جاي عانا حوببي ەمەس, ءومىرىنىڭ ماڭىزدى بولىگىنە اينالدى. «سپورت – مەن ءۇشىن سەنىمدىلىك پەن ەرىك- جىگەردىڭ قاينار كوزى. سپورتپەن شۇعىلدانعان ءار ازامات ارقاشان وزىنە سەنىمدى, بايسالدى بولىپ جۇرەدى, جۇمىسقا دا وڭ پايداسىن بەرەدى» دەيدى ول.
