بۇگىن «جەتىسۋ – كىتاپ كەرۋەنى» جوباسى اياسىندا استانا قالاسىنداعى قر ۇلتتىق اكادەميالىق كىتاپحاناسى تالدىقورعانداعى س. سەيفۋللين اتىنداعى وبلىستىق ورتالىق كىتاپحانادان جولدانعان جەتىسۋ قالامگەرگەرلەرىنىڭ كىتاپتارىن, اتاپ ايتقاندا 500 دانا كىتاپتى سالتاناتتى تۇردە قابىلداپ الدى, دەپ حابارلايدى astana-akshamy.kz
سالتاناتتى شاراعا قر ۇلتتىق اكادەميالىق كىتاپحاناسىنىڭ ديرەكتورى عازيزا نۇرعاليەۆا, جەتىسۋ وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى قۋانىش سۇلەيمەنوۆ, سونىمەن قاتار بۇگىندە استانا قالاسىندا تۇراتىن جەتىسۋلىق قالامگەرلەر, وقىرمان قاۋىم قاتىستى.
رۋحاني باسقوسۋ بارىسىندا وتكەن جىلى جەتىسۋ وبلىسى اكىمىنىڭ قولداۋىمەن جارىققا شىققان جازۋشى, جۋرناليست, قازاقستان جازۋشىلار وداعىنىڭ مۇشەسى جانات ەلشىبەك پەن قازاقستاننىڭ ەڭبەك سىڭىرگەن قايراتكەرى, قالامگەر قادىر الىمقۇلوۆتىڭ كىتاپتارىنىڭ تۇساۋى كەسىلدى.
وسى جيىندا عازيزا نۇرعاليەۆ باس كىتاپحانىنىڭ اتىنان جەتىسۋ وبلىستىق س. سەيفۋللين اتىنداعى ورتالىق كىتاپحانانىڭ كىتاپ قورىن تولىقتىرۋ ءۇشىن 1 مىڭ دانا ءتۇرلى باعىتتاعى كىتاپتاردى سىيعا تارتتى.
جالپى جەتىسۋ وڭىرىندە وبلىس اكىمىنىڭ قولداۋىمەن كىتاپتار 2006 جىلدان بەرى شىعارىلۋدا. بۇل يگى ءۇردىس بۇگىنگى كۇنى دە جالعاسىن تاۋىپ, جەرگىلىكتى قالامگەرلەردىڭ شىعارماشىلىعىن قولداۋدىڭ جارقىن ۇلگىسى بولىپ كەلەدى.
