جول جوندەۋ كولەمى بويىنشا رەكورد ورناتىلادى
![](https://astana-akshamy.kz/wp-content/uploads/2024/06/e60b6205bd71dd8494004d7ff2d9f733_1280x720-1.jpg)
بۇل تۋرالى باق وكىلدەرىنە ارنالعان بريفينگ بارىسىندا قر كولىك ءمينيسترى مارات قاراباەۆ مالىمدەدى, دەپ حابارلايدى astana-akshamy.kz.
مەملەكەت باسشىسىنىڭ تاپسىرماسىنا سايكەس, بيىل كەڭەس زامانىنان بەرى جوندەۋ كورمەگەن جولدار رەتكە كەلتىرىلمەك.
– بيىل «استانا-بالقاش-الماتى», «تالدىقورعان-وسكەمەن», «اقتوبە-قاندىاعاش» جانە «اتىراۋ-استراحان» باعىتتارى بويىنشا اتقارىلىپ جاتقان جۇمىستاردى اياقتاۋ قاجەت. جولداردىڭ جالپى ۇزىندىعى 2 مىڭ شاقىرىمدى قۇرايدى, – دەدى مينيستر.
ايتا كەتەرلىگى, بيىل پرەزيدەنتتىڭ تاپسىرماسى شەڭبەرىندە ەلىمىزدە 12 مىڭ شاقىرىم اۆتوجول قۇرىلىس-جوندەۋ جۇمىستارىمەن قامتىلىپ, رەكوردتىق كورسەتكىش تىركەلمەك.
«بۇگىندە ورتاشا جوندەۋ جۇمىستارىمەن 20 جىلدان استام جوندەلمەگەن جولدار قامتىلىپ وتىر. ماسەلەن, 4 وبلىستى باسىپ وتەتىن «جەزقازعان – پەتروپاۆل» اۆتوجولىندا قۇرىلىس-جوندەۋ جۇمىستارى جالعاسادى. اقتوبە وبلىسىندا «قاندىاعاش-ەمبى-شالقار-ىرگىز» جولىن, ال شىعىس قازاقستان جانە اباي وبلىستارىندا وسكەمەن مەن سەمەي اراسىنداعى اۆتوجولدى جوندەۋدى جوسپارلاپ وتىرمىز», – دەپ اتاپ ءوتتى ۆەدومستۆو باسشىسى.
قويىلعان مىندەتتەردى ورىنداۋ ماقساتىندا مەردىگەر ۇيىمدار جول-قۇرىلىس ماتەريالدارىن دايىنداپ جانە قۇرىلىس-مونتاج جۇمىستارىن تولىق كولەمدە جۇرگىزىپ جاتىر. اۆتوجول جوبالارىن ۋاقتىلى اياقتاۋ ءۇشىن بارلىق قاجەتتى شارا قولعا الىنعان.