بۇگىندە ەلوردامەن بىرگە ەسەيىپ, ەل دامۋىنا ەرەكشە ۇلەس قوسىپ كەلە جاتقان الماتى اۋدانىندا تۇرعىندارعا جايلى جاعداي جاساۋ باعىتىندا يگى ىستەر اتقارىلۋدا. اۋماقتا جوندەۋ جانە قالپىنا كەلتىرۋ, كوگالداندىرۋ, جارىقتاندىرۋ جۇمىسى بەلسەندى ءجۇرىپ جاتىر. بۇل رەتتە تۇرعىنداردىڭ ءوتىنىشى مەن ەسكەرتپەسى ەسەپكە الىنىپ كەلەدى.
اينالانى اباتتاندىرۋ – ماڭىزدى جۇمىس
مەملەكەت باسشىسىنىڭ تاپسىرماسى نەگىزىندە الماتى اۋدانىنىڭ اكىمدىگى قالانى كوگالداندىرۋعا جانە كوك جەلەكتى شاھارعا اينالدىرۋعا كوپ كوڭىل ءبولىپ كەلەدى. اۋدان اكىمى اپپاراتى اباتتاندىرۋ ءبولىمىنىڭ باس مامانى شايماردان سۇلتاننىڭ ايتۋىنشا, بۇل رەتتە بيىل ۇلكەن جۇمىس اتقارىلدى.
– وسى جىلى الماتى اۋدانى اكىمىنىڭ اپپاراتىمەن 3 قوعامدىق كەڭىستىكتى اباتتاندىرۋ جۇمىسى ءجۇرىپ جاتىر. الدىمەن تاۋەلسىزدىك داڭعىلىنىڭ جاياۋ جۇرگىنشىلەر بولىگىن دامىتۋ, ياعني اقبۇلاق وزەنىنىڭ جاعاسىنان ب.مومىشۇلى داڭعىلىنا دەيىن جاياۋ جۇرگىنشىلەر بولىگى جايلاستىرىلىپ, داڭعىل كوگالداندىرىلدى جانە جارىقتاندىرىلدى. سونىمەن بىرگە ت.جۇرگەنوۆ كوشەسى اباتتاندىرىلىپ جاتىر. بۇل رەتتە ايناكول كوشەسىنەن ج.ناجىمەدەنوۆ كوشەسىنە دەيىن جاياۋ جۇرگىنشىلەرگە ارنالعان دەمالىس ايماعىن جايلاستىرا وتىرىپ, كوشەگە تاس توسەۋ, كوگالداندىرۋ جانە جارىقتاندىرۋدى اۋىستىرا وتىرىپ, جاياۋ جۇرگىنشىلەر بولىگىن اباتتاندىرۋ جۇمىسى جۇرۋدە, – دەدى باس مامان.
بۇگىنگى تاڭدا اۋدان اۋماعىندا قوقىس توگۋگە رۇقسات ەتىلمەگەن 7 ورىن انىقتالدى. وتكەن جىلى 62 نۇكتەنىڭ 17 ۋچاسكەسى 18,5 توننا قوقىستان تازاردى
سونداي-اق اقبۇلاق وزەنىنىڭ جاعالاۋىن اباتتاندىرۋ جۇمىسى جالعاسۋدا. 2023 جىلى ش.قۇدايبەردىۇلى داڭعىلىنان ابىلاي حان داڭعىلىنا دەيىن جۇمىس جۇرگىزىلدى. اعىمداعى جىلى ابىلاي حان داڭعىلىنان اممان كوشەسىنە دەيىن اباتتاندىرىلۋدا.
قوعامدىق كەڭىستىكتى اباتتاندىرۋ بارىسىندا اۋماقتار جارىقتاندىرىلۋدا جانە كوگالداندىرىلۋدا. بيىل ازىرەت سۇلتان مەشىتىندە گۇلزارلارعا ارنالعان تىرەۋ قابىرعاسى ورناتىلىپ, ءال-فارابي اتىنداعى وقۋشىلار سارايىنىڭ اينالاسى اباتتاندىرىلدى.
تاۋەلسىزدىك, ب.مومىشۇلى, ايناكول, م.جۇماباەۆ, ا.بايتۇرسىنوۆ, ج.ناجىمەدەنوۆ كوشەلەرىندەگى جالپى كولەمى 2500 شارشى مەتر اۋماققا برۋسچاتكا جابىنىن قايتا توسەۋ جۇرگىزىلدى. ا.بايتۇرسىنوۆ, ج.ناجىمەدەنوۆ, ب.مومىشۇلى, تاۋەلسىزدىك, كۇيشى دينا كوشەلەرىندەگى 30 كوشە جاشىگى اۋىستىرىلدى. ش.قۇدايبەردىۇلى 36/2, ع.مۇسىرەپوۆ 7/2, ا.بولەكپاەۆ 9, قاجىمۇقان 20, ق.ساتباەۆ 22, ر.قوشقارباەۆ 46, 46 /1 مەكەنجايلارى بويىنشا 27 ورىندىق پەن قوقىس جاشىگى اۋىستىرىلدى جانە ورناتىلدى.
تازالىق تابالدىرىقتان باستالادى
بۇگىنگى تاڭدا اۋدان اۋماعىندا قوقىس توگۋگە رۇقسات ەتىلمەگەن 7 ورىن انىقتالدى. قازىرگى ۋاقىتتا اتالعان جەرلەردە, 5 ۋچاسكەدە: «نۇرلى جول» ۆوكزالى اۋدانىندا, قۇلاگەر كوشەسىندە, استانا-قاراعاندى تاسجولىنىڭ بويى مەن لرت ماڭىندا تازالىق جۇمىسى ءجۇرىپ جاتىر.
وسى جىلى الماتى اۋدانى اكىمىنىڭ اپپاراتىمەن 3 قوعامدىق كەڭىستىكتى اباتتاندىرۋ جۇمىسى ءجۇرىپ جاتىر
بۇدان باسقا, قار ءۇيىندىسى اۋدانىنداعى جۇمىستى جۇرگىزۋگە 10 ءوزى اۋداراتىن كولىك جانە 2 تيەگىش جۇمىلدىرىلدى. مامىردىڭ 21-ىنە دەيىنگى كورسەتكىش بويىنشا اۋدان اۋماعىنان بارلىعى 8500 توننادان استام (1214 رەيس) قوقىس شىعارىلدى. وتكەن جىلى 62 نۇكتەنىڭ 17 ۋچاسكەسى 18,5 توننا قوقىستان تازاردى.
سونىمەن قاتار لرت بويىندا; ەسىل وزەنىنىڭ بەتون بوگەتى اۋدانىنداعى ۆوكزالدىڭ ارتىندا; ەستاكادا بويىندا; ا62 كوشەسى; يندۋستريالدى پارك; اينالما جول بويىندا; ج.جاباەۆ كوشەسى; قاپال كوشەسى بويىنداعى كارەر; ۇلى دالا داڭعىلى; وتاۋ شاعىن اۋدانى; ج.ناجىمەدەنوۆ كوشەسىندەگى تازارتۋ جۇمىسىنا 60-قا جۋىق ارنايى تەحنيكا (10 تيەگىش, 50 ءوزى اۋداراتىن كولىك) جۇمىلدىرىلدى.
ستيحيالىق قوقىس ءۇيىندىلەرىنىڭ پايدا بولۋىنا جول بەرمەۋ ماقساتىندا بەلگىلەنبەگەن جەرلەرگە قوقىس توگەتىن ادامداردى انىقتاۋ بويىنشا ماقساتتى جۇمىس جۇرگىزىلۋدە. بۇل باعىتتا اۋداننىڭ جول پوليتسيا قىزمەتكەرلەرى ۇنەمى ءىس-شارالار مەن تۇنگى رەيدتەر وتكىزەدى.
جىل باسىنان بەرى قوقىس تاستاعانى ءۇشىن 36 جۇرگىزۋشى اكىمشىلىك جاۋاپكەرشىلىككە تارتىلىپ, 950 مىڭ تەڭگەگە ايىپپۇل سالىندى. قالعان 3 ۋچاسكەدە اكتەۋ جۇمىسىن باستاۋ جوسپارلانۋدا.
كوشەلەر جارىقتاندىرىلدى
جۇمىس جۇرگىزۋ بارىسىندا 330 مەتر مولشەرىندە تۇراقتى سحەما بويىنشا كابەل تارتىلدى. 16 تىرەك پەن 6 شامدى تۇزەتۋ بويىنشا جۇمىس جۇرگىزىلدى. كوشە جارىعىنىڭ 50 شامىنا جانە ساياباق جارىعىنىڭ 108 شامىنا تەكسەرۋ جۇمىسى جۇرگىزىلدى. قۇلاعان تىرەكتەر جوندەلىپ, قايتا قالپىنا كەلتىرىلدى.
ساياباقتارداعى جانباي تۇرعان شامدار جوندەلىپ, 176 جارىقديودتى شام اۋىستىرىلدى. كوشە تىرەكتەرى سىرلاندى. اۋدان اۋماعىنداعى 288 ليۋك جابىلدى. 10 سپورت جانە مەرەكەلىك ءىس-شارالار الاڭى ەلەكترمەن جابدىقتالدى. ءتاۋەلسىزدىك, ي.پانفيلوۆ, ايناكول, م.تولەباەۆ جانە ا.توقپانوۆ كوشەلەرىنىڭ بويىنا 10 مەتالل تىرەك ورناتىلدى. ج.ناجىمەدەنوۆ, ق.ساتباەۆ, ب.مايلين, ي.پانفيلوۆ كوشەلەرى مەن ب.مومىشۇلى, تاۋەلسىزدىك داڭعىلدارىنىڭ بويىنداعى تىرەكتى اۋىستىرۋ جانە سىرلاۋ جۇمىسى جۇرگىزىلدى. قوعامدىق كەڭىستىكتى اباتتاندىرۋ اياسىندا ت.جۇرگەنوۆ كوشەسى ايناكول كوشەسىنەن ج.ناجىمەدەنوۆ كوشەسىنە دەيىن 1730 مەتر كابەل تارتىلىپ, 1550 مەتر پوليەتيلەن قۇبىرلار توسەلدى.
اقبۇلاق وزەنىنىڭ جاعاسىندا (ابىلاي حان داڭعىلىنان اممان كوشەسىنە دەيىن) قوعامدىق كەڭىستىكتى اباتتاندىرۋ اياسىندا جۇمىس جۇرگىزىلدى. تىرەكتەر مەن شامدار اۋىستىرىلدى. وتان قورعاۋشىلار مونۋمەنتىندەگى ساياباق تىرەكتەرىندە 13 شام اۋىستىرىلىپ, 27 جاڭا شام ورناتىلدى.
كوگالداندىرۋ – كوپتىڭ ءىسى
تۇرعىنداردىڭ ءوتىنىشىن ەسكەرە وتىرىپ, اۋدان اۋماعىندا اباتتاندىرۋ, اعاش وتىرعىزۋ, جوندەۋ جۇمىسى اتقارىلۋدا. ماۋسىم ايىنىڭ باسىنان بەرى الماتى اۋدانى بويىنشا 1401-دەن استام اعاش پەن بۇتا وتىرعىزىلىپ, 2704807 شارشى مەتر اۋماق تازارتىلدى. 12000-نان استام اعاش اكتەلدى. 701763 شارشى مەتر جەردەگى كوگالدىڭ ءشوبى شابىلىپ, 147 اعاش پەن بۇتا قيىلدى. بيىكتىگى 5 مەتردەن جوعارى 2 مىڭعا جۋىق اعاشتىڭ جارامسىز بۇتاسى كەسىلىپ, 17200 اعاش پەن بۇتاعا تىڭايتقىش سەبىلدى.
كوپىرلەردى كۇتىپ ۇستاۋ بويىنشا دا جۇمىس ءجۇرىپ جاتىر. بۇگىنگى تاڭدا الماتى اۋدانىنىڭ اۋماعىندا 7 كوپىر بار. ولار: اممان كوپىرى, بەلاسار كوپىرى, ر.قوشقارباەۆ كوپىرى, ابىلاي حان داڭعىلىنداعى 14-كوپىر, تاۋەلسىزدىك داڭعىلىنداعى كوپىر, ابىلاي حان داڭعىلىنداعى كوپىر, ش.قۇدايبەردىۇلى داڭعىلىنداعى كوپىر. قازىرگى كەزدە ولاردى جۋ جۇمىسى جالعاسۋدا. سونىمەن قاتار ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى اۋدانىنداعى جاياۋ جۇرگىنشىلەرگە ارنالعان 2 كوپىر جوندەلىپ, قالپىنا كەلسە, ش.قۇدايبەردىۇلى, 2/7 ءۇيىنىڭ اۋدانىنداعى جاياۋ جۇرگىنشىلەر كوپىرى, ابىلاي حان داڭعىلىنداعى كوپىر, ۇلى دالا داڭعىلىنداعى كوپىر سىرلاندى.
شايماردان سۇلتاننىڭ ايتۋىنشا, بۇگىنگى تاڭدا ەلوردادان سىرتقارى ورنالاسقان تۇرعىن الاپتاردى دامىتۋعا ەرەكشە نازار اۋدارىلىپ كەلەدى. ونداعى جولدار جوندەلىپ, اباتتاندىرۋ, جارىقتاندىرۋ, جولدار مەن تروتۋارلاردى اسفالتتاۋ, جولداردى جوندەۋ, نوسەر كارىزىن ورناتۋ, بالالار مەن سپورت الاڭدارىن سالۋ جانە ت. ب. جۇمىستار جىل بويى جالعاسا بەرەدى. سونىمەن بىرگە ەكولوگيانى جاقسارتۋ جانە قالا تۇرعىندارى ءۇشىن جايلى دەمالىس ورىندارىن قۇرۋ ماقساتىندا اۋقىمدى كوگالداندىرۋ جۇمىسى جالعاسۋدا.
سوڭعى كەزدەرى تۇرعىن الاپتاردا جاڭا جاسىل ايماقتار مەن ادامدار ءجيى جينالاتىن دەمالىس ورىندارى, ناقتىراق ايتساق, قوعامدىق كەڭىستىكتەر كوپتەپ پايدا بولدى. تۇرعىن الاپتاردىڭ سانيتارلىق جاعدايىنا دا باسا نازار اۋدارىلىپ كەلەدى.
