استانا قالاسىندا XIX رەسپۋبليكالىق «جۇلدىزاي» بالالار شىعارماشىلىعى فەستيۆالى ءوتتى, دەپ حابارلايدى astana-akshamy.kz
ەرەكشە ءبىلىم بەرۋدى قاجەت ەتەتىن بالالارعا ارنالعان فەستيۆال وقۋ-اعارتۋ مينيسترلىگىنىڭ قولداۋىمەن ۇيىمداستىرىلدى. بايقاۋعا ەلىمىزدىڭ ءار وڭىرىنەن 6 مىڭنان استام بالا قاتىستى. ونىڭ ىشىندە 250 بالا ۆوكال, حورەوگرافيا, اسپاپتىق ورىنداۋ جانە ىم-يشارامەن ءان ورىنداۋ نوميناتسيالارى بويىنشا لاۋرەات اتاندى.
فەستيۆالدىڭ اشىلۋىنا قاتىسقان وقۋ-اعارتۋ ۆيتسە-ءمينيسترى ەدىل وسپان بۇل بايقاۋدىڭ ەلىمىزدىڭ تۇكپىر-تۇكپىرىندەگى تالاناتتى بالالاردى بىرىكتىرەتىن ماڭىزدى شارا ەكەنىن اتاپ ءوتتى.
«جۇلدىزاي» XIX رەسپۋبليكالىق بالالار شىعارماشىلىعى فەستيۆالىنىڭ قاتىسۋشىلارىن قۇرمەتپەن قارسى الۋعا رۇقسات ەتىڭىزدەر. وسى جىلدار ىشىندە فەستيۆال ەل اۋماعىندا قانات جايىپ, رەسپۋبليكالىق دەڭگەيگە دەيىن ءوستى. ول ەلىمىزدىڭ وڭىرلەرىندەگى تالانتتى, دارىندى بالالاردىڭ باسىن قوستى. اسىرەسە, بالالارىمىزدىڭ شىعارماشىلىق قابىلەتتەرىن دامىتۋعا ۇلەس قوسىپ جۇرگەن «BI Juldyzai» كورپوراتيۆتى قورىنا ەرەكشە العىسىمدى بىلدىرەمىن», – دەدى ۆيتسە-مينيستر.
فەستيۆال كونتسەرتتىك باعدارلامامەن جالعاستى. كونتسەرتتىڭ قوناعى رەتىندە قازاقستاندىق ونەر يەلەرى جۇبانىش جەكسەن, بالجان بيداش, رۋحيا بايدۋكەنوۆا, راسۋل جارماعامبەتوۆ, نازىم ساعىنتاي جانە قايرات مىرزاحان ونەر كورسەتتى.
