باس قالادا ارمانىن الاش يدەياسىمەن ءۇندەستىرىپ, العا قويعان ماقسات-مۇددەسىن تۋعان حالقىنىڭ بولاشاعىمەن بايلانىستىرۋعا قۇشتار سانالى ۇرپاق ءوسىپ كەلەدى. سولاردىڭ ءبىرى – ەلورداداعى ءالىمحان ەرمەكوۆ اتىنداعى №38 مەكتەپ-ليتسەيدىڭ 7 «ءا» سىنىپ وقۋشىسى تولعاناي ەسىلباي.
باس قالاداعى قادىرعالي قامالۇلى باسشىلىق ەتىپ وتىرعان №38 مەكتەپ-ليتسەيدىڭ بەلسەندى شاكىرتى 2017 جىلدان بەرى تاتتىمبەت قازانعاپۇلى اتىنداعى №1 ونەر مەكتەبىندە دومبىرا, فورتەپيانو, سولفەدجيو, حور سىنىپتارىنان ءدارىس الىپ, ولاردى ۇزدىك اياقتاپ شىقتى, وقۋشىلار سارايىندا ۆوكال ۇيىرمەسىنە قاتىسىپ ءجۇر.
2023-2024 وقۋ جىلىندا العان ۇزدىك ءبىلىمى مەن شىعارماشىلىق قابىلەتىنىڭ ارقاسىندا جوعارى ناتيجە كورسەتىپ, مەكتەبىنىڭ ماقتانىشىنا بولەنگەن تولعاناي ەسىلباي «جىل وقۋشىسى-2024» نوميناتسياسى مەن ارداق قازماعانبەتوۆانىڭ جەتەكشىلىگىمەن بۇقار جىراۋ قالقامانۇلىنىڭ 355 جىلدىعى اياسىندا وتكەن ءانشى-جىرشىلار نوميناتسياسىندا باس جۇلدە يەگەرى, رەسپۋبليكالىق جىرشى-تەرمەشىلەر بايقاۋىنىڭ جەڭىمپازى, «شاتتىق-2024» بايقاۋىنىڭ التىن مەدال يەگەرى اتاندى.
سارىارقانىڭ سامالىمەن تەربەلىپ, ەسىپ اققان ەسىلگە ەركەلەي كوز تاستاعان قازاقتىڭ حان ورداسى – ەڭسەلى استانامىزدا دۇنيەگە كەلگەن تولعاناي دۋمانقىزى تاريحي كينولار كورگەندى ۇناتادى ەكەن.
– مەنىڭ تاريحقا قىزىعۋشىلىعىمدى وياتقان وسى وڭىرگە بەلگىلى ازامات, كەزىندە وبلىستىق, رەسپۋبليكالىق باسىلىمداردا قىزمەت ەتكەن, قازاقستان جۋرناليستەر وداعىنىڭ مۇشەسى, اقىن-جازۋشى, جۋرناليست, مارقۇم اتام امانتاي ءابىلۇلى ەسىلباەۆ ەدى. كىشكەنتاي كەزىمنەن سول كىسىنىڭ قاسىندا بولىپ, اسىرەسە اشارشىلىق كەزىندەگى جانە دۇنيەجۇزىلىك سوعىس ۋاقىتىنداعى قازاقتىڭ باستان كەشكەن قيىندىعى مەن ەلىمىز تۋرالى تاريحتى تەرەڭىرەك بىلۋگە ۇمتىلدىم. سۋرەت سالعاندى ۇناتامىن. قىلقالاممەن ۇندەسە وتىرىپ, تاريحي قۇندىلىقتاردىڭ سىرىن تەرەڭ ۇققىم كەلەدى, – دەدى تولعاناي ەسىلباي.
ىڭكار بەكبولاتوۆا,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
