جىلىتۋ ماۋسىمى باستالعاننان بەرى استانا قالاسى اۋماعىنداعى تۇرعىن ءۇي سەكتورىندا 139 ءورت تىركەلگەن. بۇل تۋرالى استانا قالاسىنىڭ كوممۋنيكاتسيالار قىزمەتىندە جىلىتۋ ماۋسىمىنداعى جانە ساۋدا وبەكتىلەرىندەگى ءورت قاۋىپسىزدىگى تۋرالى وتكەن بريفينگتە استانا قالاسى تجد مەملەكەتتىك ءورت باقىلاۋ باسقارماسىنىڭ باستىعى ماديار مىرزاگەلديەۆ ايتتى, دەپ حابارلايدى astana-akshamy.kz.
ءورتتىڭ باسىم كوپشىلىگى قىس ايلارىندا بولادى. ءورت تۋىنداۋىنىڭ نەگىزگى سەبەپتەرى: ەلەكتر جابدىقتارىن مونتاجداۋ جانە تەحنيكالىق پايدالانۋ ەرەجەلەرىن بۇزۋ, جىلىتۋ جۇيەلەرىن پايدالانۋ كەزىندە ءورت قاۋىپسىزدىگى ەرەجەلەرىن بۇزۋ بولىپ تابىلادى. دەپارتامەنت جەرگىلىكتى اتقارۋشى ورگاننىڭ, ەرىكتىلەردىڭ, ىشكى ىستەر ورگاندارىنىڭ وكىلدەرىمەن بىرلەسىپ پروفيلاكتيكالىق ءىس-شارالار وتكىزۋدە. ءىس-شارا باراسىندا 3 كەزەڭ بويىنشا جەكە تۇرعىن ءۇي سەكتورىن ارالاعان.
پروفيلاكتيكانىڭ ءبىرىنشى كەزەڭى حالىقتىڭ الەۋمەتتىك وسال توپتارى اراسىندا وتكىزىلگەن. شارا بارىسىندا ءورت قاۋىپسىزدىگى بويىنشا 2135 بۇزۋشىلىق انىقتالعان. ەكىنشى كەزەڭدە پروفيلاكتيكالىق شارامەن 4 569 ساياجاي قامتىلعان. جىلىتۋ كەزەڭىندە اتالعان ۇيلەردە 1 ءورت ورىن العان. ءۇشىنشى كەزەڭ نەگىزگى تۇرعىن ۇيلەردە وتكىزىلۋدە. بۇگىنگە دەيىن اۋلانى ارالاۋ بويىنشا 45 312 تۇرعىن ءۇي قامتىلعان.
سونىمەن قاتار جىلىتۋ ماۋسىمى كەزىندە ورتتەردىڭ, ادامداردىڭ ءولىمى مەن جاراقاتتانۋىنىڭ الدىن الۋ ماقساتىندا دەپارتامەنت جەرگىلىكتى اتقارۋشى ورگاندار, پوليتسيا, ەرىكتىلەرمەن بىرلەسىپ «قاۋىپسىز جانۇيا», «10 يگى ءىس», «جاتاقحانا», «قاۋىپسىز جىلىتۋ ماۋسىمى» اتتى اكتسيالارىن وتكىزگەن. ءورت قاۋىپسىزدىگى بويىنشا بەينەروليكتەر ارميا گەنەرالى س.نۇرماعامبەتوۆ اتىنداعى اسكەري كوللەدجدە, «قازاقستان تەمىر جولى» اق باس عيماراتىندا, ەكسپو اۋماعىندا ورنالاسقان «نۇر الەم» مۇراجاي كورمەسىندە جۇرگىزىلىپ وتىرادى. «سity Transportation Systems» جشس بىرلەسىپ قوعامدىق كولىكتە ءورت قاۋىپسىزدىگى بويىنشا ۆيدەوروليكتەر كورسەتىلۋدە. سونداي-اق دەپارتامەنت «قاۋىپسىز ساۋدا» رەسپۋبليكالىق اكتسياسى اياسىندا ساۋدا وبەكتىلەرىندە ءورت قاۋىپسىزدىگى بويىنشا تۇسىندىرمە جۇمىستارىن جۇرگىزۋدە. جاقىندا «كەرۋەن سيتي» جانە «راحمەت» ساۋدا ۇيىندە ءورت-تاكتيكالىق جاتتىعۋ ۇيىمداستىرىلعان. قالادا 3500 ساۋدا وبەكتىلەرى بار.
