استانا قۇرىلىس-تەحنيكا كوللەدجىنىڭ ستۋدەنتتەرىنە ەسىرتكىنىڭ زيانى تۋرالى تۇسىندىرمە-پروفيلاكتيكالىق ءدارىس وتكىزدى.
دۇنيەجۇزىلىك ناشاقورلىققا قارسى كۇرەس كۇنىنە ورايلاستىرىلعان ايلىق اياسىنداعى كەزدەسۋ جاستاردىڭ ەسىرتكىنىڭ زيانى تۋرالى حاباردارلىعىن ارتتىرۋ جانە ناشاقورلىقتىڭ الدىن الۋ شارالارىن نىعايتۋ ماقساتىندا ءوتتى. №11 قالالىق ەمحانا جانىنداعى «داۋا» جاستار دەنساۋلىق ورتالىعىنىڭ ۇيلەستىرۋشىسى ءمادينا العازينا ستۋدەنتتەرگە ەسىرتكىنىڭ زيانى تۋرالى ايتىپ بەردى. ول جاستار اراسىنداعى ناشاقورلىق ماسەلەسىن ەگجەي-تەگجەيلى بايانداپ, ەلدەگى ناشاقورلىقتىڭ قازىرگى دەڭگەيى تۋرالى ستاتيستيكا دەرەگىن ۇسىندى.
سونىمەن قاتار ستۋدەنتتەرمەن بىرگە جاسوسپىرىمدەر اراسىنداعى قىلمىس ماسەلەلەرى جانە كامەلەتكە تولماعاندار اراسىنداعى ەسىرتكىگە تاۋەلدىلىكتىڭ دامۋىنا ىقپال ەتەتىن فاكتورلار تالقىلاندى. ءى كۋرس ستۋدەنتى اندرەي يلين مۇنداي ءىس-شارالاردى وتكىزۋ ستۋدەنتتەرگە ەسىرتكىنى قولدانۋمەن بايلانىستى بارلىق قاۋىپ پەن سالدارىن جاقسى تۇسىنۋگە كومەكتەسەتىنىن اتاپ ءوتتى.
«ارقايسىمىز ەسىرتكى تەك جامان ادەت ەمەس, ءومىر مەن بولاشاققا ۇلكەن قاۋىپ توندىرەتىنىن ءتۇسىنۋىمىز ماڭىزدى. ءبىر-ءبىرىمىزدى قولداپ, نەبىر-نەبىر ازعىرۋعا بەرىلمەۋىمىز كەرەك, بۇدان ۋلانۋدىڭ سالدارىنان دەنساۋلىق, ءوز ءومىرىمىز جانە وتباسىمىز بۇزىلادى. ءبىزدىڭ ورتاق كۇش-جىگەرىمىز الەمدى ءسال جاقسىراق جانە قاۋىپسىز ەتۋگە كومەكتەسەدى دەپ ۇمىتتەنەمىن» دەدى ستۋدەنت. ءىس-شارانىڭ جاستار ساياساتى ماسەلەلەرى باسقارماسىنىڭ قولداۋىمەن «استانا جاستارى» جاستار رەسۋرستىق ورتالىعى ۇيىمداستىردى.
