ەلوردادا نوسەر كارىزى مەن ارىق-ناۋا جەلىلەرىن تازارتۋ بويىنشا, سورعى ستانتسيالارى مەن تازارتۋ قۇرىلىستارىنا قىزمەت كورسەتۋ, سونداي-اق پروبلەمالىق ۋچاسكەلەردى جويۋ جونىندەگى جۇمىستار جالعاسۋدا. وسى باعىتتا اتقارىلىپ جاتقان باسقا دا ءىس-شارالار تۋرالى استانا قالاسىنىڭ كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتى بارىسىندا «Elorda Eco System» شجق مكك باس ديرەكتورى ورىنباسارىنىڭ مىندەتىن اتقارۋشى ەرعالي وماروۆ اتاپ ءوتتى.
– قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ توراعالىعىمەن وتكەن كەڭەستىڭ 2019 جىلعى 8 قازانداعى №19-01-7.36 حاتتاماسىنا سايكەس استانا قالاسىنىڭ الەۋمەتتىك-ەكونوميكالىق دامۋ ماسەلەسى بويىنشا قالا اكىمدىگىنە 2020 جىلعى 1 قاڭتارعا دەيىن نوسەر كارىزىنىڭ كوللەكتورلارى مەن قۇرىلىستارى ءۇشىن بىرىڭعاي پايدالانۋ ۇيىمىن ايقىنداۋ تاپسىرىلعان بولاتىن. قازاقستان رەسپۋبليكاسى پرەمەر-ءمينيسترىنىڭ توراعالىعىمەن وتكەن 2019 جىلعى 3 ساۋىردەگى №11-3 حاتتاماسىنا سايكەس قالانى دامىتۋ ماسەلەلەرى بويىنشا استانا قالاسىنىڭ اكىمدىگىنە نوسەرلى كارىز جەلىلەرىنىڭ بىرىڭعاي تەڭگەرىم ۇستاۋشىسىن انىقتاۋ تاپسىرىلدى. وسى رەتتە 2020 جىلعى 15 قاڭتارداعى №509-85 استانا قالاسى اكىمدىگىنىڭ «Elorda Eco System» شجق مكك قۇرىلدى. مىنە, سودان بەرى بۇل كاسىپورىن جاڭبىر, ەرىگەن جانە جەراستى سۋلارىنىڭ سۋ بۇرۋ جۇيەسىنىڭ تولىققاندى جۇمىس ىستەۋى ءۇشىن استانا قالاسىنىڭ ماگيسترالدىق كوللەكتورلارىنىڭ نەگىزگى بولىگىنە قىزمەت كورسەتەدى, – دەدى ەرعالي وماروۆ.
ايتۋىنشا, 2023 جىلى نوسەر كارىزى مەن ارىق-ناۋا جەلىلەرىن تازارتۋ بويىنشا, سورعى ستانتسيالارى مەن تازارتۋ قۇرىلىستارىنا قىزمەت كورسەتۋ, سونداي-اق پروبلەمالىق ۋچاسكەلەردى جويۋ جونىندەگى جۇمىستار جالعاسۋدا. نوسەرلى كارىز جەلىلەرىنىڭ جالپى ۇزىندىعى – 458,2 كم, قاراۋ قۇدىقتارىنىڭ جالپى سانى – 9 452 دانا, جاڭبىر قۇدىقتارىنىڭ جالپى سانى – 11 050 دانا, ارىق-ناۋا جەلىسىنىڭ جالپى ۇزىندىعى – 48,7 كم. كۇن سايىن وسى جۇمىستاردى اتقارۋعا 40 بىرلىكتەن استام ارنايى تەحنيكا مەن 325 جۇمىسشى جۇمىلدىرىلادى.
كاسىپورىن سۋ تاسقىنى كەزەڭىندە سۋ باسۋدى بولدىرماۋ ءۇشىن قار مەن مۇزدى تازارتۋ, ارىق جەلىسىن تەرەڭدەتۋ, قۇبىرلاردى بۋلاۋ, قار شىعارۋ, ماگيسترالدىق كوللەكتورلاردى تازالاۋ جۇمىستارىن اتقارادى. بيىل 42 مىڭ م3 استام سۋ سورىلىپ, ايدالىپ, 6,5 كم. كوللەكتورلار تازارتىلدى, 5,5 كم. قۇبىرلار بۋلاندىرىلدى. 177,7 توننا تۇنبانى, ونىڭ ىشىندە تازارتۋ قۇرىلىستارىنداعى تۇنبا كارتالارىن تازارتۋ «ەكو-پوليگونعا» شىعارىلدى.
نوسەرلى كارىز جەلىلەرىنىڭ جالپى ۇزىندىعى – 458,2 كم, قاراۋ قۇدىقتارىنىڭ جالپى سانى – 9 452 دانا, جاڭبىر قۇدىقتارىنىڭ جالپى سانى – 11 050 دانا, ارىق-ناۋا جەلىسىنىڭ جالپى ۇزىندىعى – 48,7 كم. كۇن سايىن وسى جۇمىستاردى اتقارۋعا 40 بىرلىكتەن استام ارنايى تەحنيكا مەن 325 جۇمىسشى جۇمىلدىرىلادى.
– I-Komek 109 قىزمەتىنە كەلىپ تۇسكەن اشىق قۇدىقتار, نوسەر كارىزدەرىن جانە ارىق-ناۋا جەلىلەرىن تازارتۋ ماسەلەلەرى بويىنشا وتىنىمدەر قارالۋدا. 2023 جىلى كەلىپ تۇسكەن وتىنىمدەردىڭ جالپى سانى – 445, ونىڭ ىشىندە اۋداندار بويىنشا: الماتى – 63; سارىارقا – 175; بايقوڭىر – 66; ەسىل – 141. سۋ بۇرۋ جۇيەسىنىڭ جۇمىسىن جاقسارتۋ ءۇشىن 104 سورعى ستانتسيالارى مەن 15 تازارتۋ قۇرىلىستارىنا قىزمەت كورسەتۋ بويىنشا كاسىپورىن ماماندارى كۇندەلىكتى نەگىزىندە اعىزىلاتىن سۋلاردىڭ ساپاسىن جۇيەلى باقىلاۋ, سۋ قۇبىرى جەلىلەرى مەن قۇرىلىستارىن پايدالانۋ جونىندەگى قاعيدالارعا سايكەس سۋمەن جابدىقتاۋ جۇيەسىنە ءتيىستى قىزمەت كورسەتۋ (تازارتۋ قۇرىلىستارىنا, سورعى ستانتسيالارىنا تەكسەرۋ, تۇنبا كارتالارىن تازالاۋ, كۇن سايىن كوللەكتورلاردى, جاڭبىر قابىلداۋ تورلارىن, ارىق-ناۋا جەلىلەرىن جۋ جانە تازالاۋ, قۇبىرلاردى بۋلاۋ جۇرگىزىلەدى), كاسىپورىن ءوندىرىسىنىڭ تەحنولوگيالىق رەگلامەنتىن ساقتاۋ, وندىرىستىك جانە تۇرمىستىق قالدىقتاردى بولەك جيناۋ جانە كادەگە جاراتۋ, تازارتۋ قۇرىلىستارى ۋچاسكەسىنىڭ اۋماعىن سانيتارلىق-تازا كۇيدە ۇستاۋ, تق اۋماعىنان ءبىر دۇركىن توگىندىلەرىنە جول بەرمەۋ, شارۋاشىلىق-تۇرمىستىق سارقىندى سۋلاردى جەرۇستى سۋ وبەكتىسىنە اعىزۋعا جول بەرمەۋ شارالارىن اتقارادى. كۇن سايىن جەكە سەكتوردان شارۋاشىلىق-فەكالدى كارىزدەردىڭ جانە تۇرمىستىق سۋلاردىڭ توگىندىلەرىنىڭ زاڭسىز قوسىلىستارىن نوسەرلى كارىز جەلىسىندە جويۋ بويىنشا جۇمىستار جۇرگىزىلۋدە. اعىزۋ فاكتىسى انىقتالعان كەزدە فوتو جانە ۆيدەو ماتەريال اكىمشىلىك سيپاتتاعى شارالاردى قابىلداۋ ءۇشىن تابيعات قورعاۋ پوليتسياسىنا جىبەرىلەدى, – دەدى «Elorda Eco System» شجق مكك باس ديرەكتورى ورىنباسارىنىڭ مىندەتىن اتقارۋشى.
