ەلىمىزدە 1 قىركۇيەكتە سۋعا ءتۇسۋ ماۋسىمى رەسمي تۇردە اياقتالدى. شومىلۋ ماۋسىمى باستالعالى بەرى 1 750 رەيدتىك ءىس-شارالار ءوتتى.
استانا قالاسى بايقوڭىر اۋدانىنىڭ توتەنشە جاعدايلار باسقارماسى سۋعا شومىلۋ ماۋسىمى باستالعالى ءورت ءسوندىرۋ بولىمشەلەرىمەن, پوليتسيا قىزمەتكەرلەرىمەن بىرلەسە وتىرىپ, شومىلۋ ماۋسىمىندا سۋداعى قاۋىپسىزدىكتى قامتاماسىز ەتۋ ماقساتىندا پروفيلاكتيكالىق ءىس-شارالار جۇرگىزدى.
شارا بارىسىندا استانا قالاسى بايقوڭىر اۋدانى اكىمىنىڭ اپپاراتىمەن بىرلەسە وتىرىپ, تىيىم سالىنعان جەرلەرگە 75 تىيىم سالۋ بەلگىلەرى مەن 4 اقپاراتتىق ستەند ورناتىلدى.
سۋعا ءتۇسۋ ماۋسىمى باستالعاننان بەرى ۇگىت-ناسيحات جادىنامالارىن تاراتۋمەن قوسا, 1 750 رەيدتىك ءىس-شارالار وتكىزىلدى. قر اقبتك-ءنىڭ 364-بابىمەن 55 ادام, قر اقبتك-ءنىڭ 412-بابىمەن 3 ادام اكىمشىلىك جاۋاپكەرشىلىككە تارتىلدى.
قازىرگى ۋاقىتتا ماۋسىمنىڭ اياقتالۋىنا وراي, رەيدتىك ءىس-شارالار بارىسىندا سۋ ايدىندارىنداعى قاۋىپسىزدىك شارالارى بويىنشا حالىقپەن ءتۇسىندىرۋ جۇمىستارى جۇرگىزىلىپ, ۇگىت-ناسيحاتتاۋ پاراقشالارى, جادىنامالار تاراتىلدى.
