ارمىسىڭ, استانا!
![](https://astana-akshamy.kz/wp-content/uploads/2022/09/DSC_7569كوپ-780x470.jpg)
مەملەكەت باسشىسىنىڭ جارلىعىمەن ەلوردا اتاۋى قايتادان استانا اتاندى. بۇل – حالىقتىڭ ءوتىنىشى مەن تىلەگىنەن تۋىنداعان شەشىم بولدى.
ەجەلدەن اقمولا بولعان, زاماننىڭ اعىمىنا قاراي تسەلينوگراد, تاۋەلسىزدىك العان تۇستا قايتادان اقمولا اتالعان, ەلورداسى اۋىسقاندا استانا اتانعان, ءۇش جىل بۇرىن نۇر-سۇلتان اتاۋىن يەلەنگەن بۇگىنگى باس قالامىز قايتادان ەكىنشى مارتە استانا بولدى.
وتانىمىزدىڭ جۇرەگىنە, تاۋەلسىزدىگىمىزدىڭ تىرەگىنە اينالعان ەلوردامىز – استانا, ەندى ەسىمىڭ دە, مەرەيىڭ دە ۇزاعىنان بولعاي!
قازاقستان رەسپۋبليكاسى پرەزيدەنتىنىڭ جارلىعى
قازاقستان رەسپۋبليكاسىنىڭ ەلورداسى – نۇر-سۇلتان قالاسىنىڭ اتاۋىن قازاقستان رەسپۋبليكاسىنىڭ ەلورداسى – استانا قالاسى دەپ وزگەرتۋ تۋرالى
«قازاقستان رەسپۋبليكاسىنىڭ əكىمشىلىك-
اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:
- قازاقستان رەسپۋبليكاسىنىڭ ەلورداسى – نۇر-سۇلتان قالاسىنىڭ اتاۋى قازاقستان رەسپۋبليكاسىنىڭ ەلورداسى – استانا قالاسى دەپ وزگەرتىلسىن.
- وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا,
2022 جىلعى 17 قىركۇيەك