باس قالانىڭ ارنايى ەكونوميكالىق ايماعىندا قۇرىلىس كلاستەرىنىڭ 200-گە جۋىق جوباسى, جۇمىس ىستەپ تۇرعان 50 ءوندىرىس كاسىپورنىنىڭ كلاستەرى تابىستى جۇمىس ىستەۋدە. تاعى 45 جوبا دايىندىق ساتىسىندا تۇر. سوڭعى 6 جىلدا №1 يندۋستريالىق پاركتە ورنالاسقان ونەركاسىپ كاسىپورىندارىنان تۇسەتىن سالىق تۇسىمدەرى 5 ەسەگە ۇلعايىپ, 170 ميلليارد تەڭگەدەن استى.
استانا قالاسى ءماسليحاتىنىڭ دەپۋتاتتارى ارنايى ەكونوميكالىق ايماقتىڭ بىرقاتار كاسىپورنىن ارالادى. بۇل ايماقتا ونەركاسىپ كاسىپورىندارىنىڭ نەگىزگى ۇلەسى شوعىرلانعان. مۇندا 6 مىڭعا جۋىق ادام جۇمىس ىستەيدى. ەكونوميكالىق ايماقتىڭ اۋماعىندا 75,5 ميلليارد تەڭگە سوماسىنا باعالاناتىن 45 جوبا ىسكە اسىرۋ ساتىسىندا تۇر. ولاردىڭ جۇمىسىنىڭ باستالۋىمەن 2,5 مىڭعا جۋىق ادام تۇراقتى جۇمىسقا ورنالاسادى. «استانا – جاڭا قالا» جانە «استانا-تەحنوپوليس» ەكى ارنايى ەكونوميكالىق ايماعىنىڭ جالپى اۋدانى 16 مىڭ گەكتاردان اسادى.
– اەا-نى ودان ءارى دامىتۋ پەرسپەكتيۆالارى ماسەلەسىن, ولاردىڭ ەكونوميكالىق اسەرىن وسى جۇمادا بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيانىڭ وتىرىسىندا جەكە تىڭدايمىز. سونداي-اق №2 يندۋستريالىق پاركتىڭ دامۋى ماسەلەسىن جەكە تالقىلايمىز, – دەدى استانالىق ءماسليحات توراعاسى ەرلان كاناليموۆ.
بۇگىنگى تاڭدا ارنايى ەكونوميكالىق ايماقتاعى كاسىپورىندار ەلوردا قازىناسىنا قوماقتى ءتۇسىم ءتۇسىرۋشى بولىپ وتىر.
