– ەلىمىزدە شەشىمىن كۇتەتىن ماسەلە كوبەيىپ كەتتى. سوندىقتان پرەزيدەنتتىڭ جاڭا جولداۋىن كوپتەگەن ەل تۇرعىنى اسىعا كۇتتى. وتباسى جانە حالىقتى الەۋمەتتىك قورعاۋ ماسەلەلەرى جونىندەگى وڭىرلىك كەڭەستىڭ قۇرامىنا كىرەتىن مەن جانە مەنىڭ ارىپتەستەرىم ءۇشىن مەملەكەت باسشىسىنىڭ ۇكىمەتكە اعىمداعى دەموگرافيالىق ۇردىستەردى باسەكەلەستىك ارتىقشىلىقتارعا اينالدىرۋ مىندەتىن بەلگىلەۋ تۋرالى شەشىمى جاعىمدى جاڭالىق بولدى.
بۇگىنگى تاڭدا مينيسترلەر كابينەتىنىڭ عانا ەمەس, بارلىق اتا-انانىڭ دا باسىمدىعى باقىتتى جانە قاۋىپسىز بالالىق شاق بولۋى كەرەك. بالالارعا قاتىستى زورلىق-زومبىلىق جيىلەپ بارادى. پرەزيدەنت وسىعان قاتىستى جازانى قاتاڭداتۋدى تاپسىردى. سونداي-اق وسكەلەڭ ۇرپاقتىڭ پسيحيكالىق دەنساۋلىعىنىڭ ماڭىزىن اتاپ ءوتتى. بۇل – بىرىڭعاي سەنىم تەلەفونىن ۇيىمداستىرۋ, زورلىق-زومبىلىق قۇرباندارىنا كومەك كورسەتۋدىڭ ءتيىمدى باعدارلاماسىن ازىرلەۋ جانە تاعى باسقا تاپسىرمالار. اتالعان ماسەلەلەر قالالىق ءماسليحات وتىرىستارىندا كوتەرىلىپ, جاۋاپتى مەملەكەتتىك مەكەمەلەرگە جەتكىزىلدى.
مەملەكەت باسشىسى اتوم ەلەكتر ستانساسىن سالۋ بويىنشا جالپىۇلتتىق رەفەرەندۋم قورىتىندىسى بويىنشا شەشىم قابىلداۋدى ۇسىندى. بۇل, مەنىڭ ويىمشا, سالماقتى شەشىم. سالىق تولەۋشىلەر, سونىڭ ىشىندە كوپتەگەن كاسىپكەر ءۇشىن دە جولداۋدا جاعىمدى جاڭالىق ايتىلدى. فيسكالدىق ورگاندار مەن سالىق تولەۋشىلەر اراسىنداعى ءوزارا ءىس-قيمىلدىڭ سەرۆيستىك مودەلىنە كوشۋدىڭ ءبىر ماقساتى بار – بۇل جازالاۋ ەمەس, ەسكەرتۋ. تاعى ءبىر قادام – سالىق ەسەپتىلىگىنىڭ نىسانىن 30 پايىزعا قىسقارتۋ. مەنىڭ ويىمشا, ەڭ باستىسى, پرەزيدەنتتىڭ وسكەلەڭ ۇرپاقتىڭ بولاشاعى ءۇشىن باستاماسى – بالالاردى 5 جاستان باستاپ قامتيتىن جانە مەملەكەتتەن باستاپقى كاپيتالدى, مەملەكەتتىك سىيلىقاقىنى جىل سايىن تولەۋدى جانە ينۆەستيتسيالىق تابىستى كوزدەيتىن «كەلەشەك» بىرىڭعاي ەرىكتى جيناقتاۋ جۇيەسىن ەنگىزۋ. بۇل ءبىزدىڭ بالالارىمىزعا قارجىلىق قولداۋ بولا ما؟ ارينە, بولادى. ويتكەنى جيناقتالعان قاراجات ءبىلىم الۋعا مۇمكىندىك بەرەدى. ەڭ باستىسى, جولداۋدا ايتىلعان بارلىق مىندەت 3 جىل ىشىندە شەشىلۋى ءتيىس.
سالتانات جەنالاەۆا,
استانا قالاسى
ءماسليحاتىنىڭ دەپۋتاتى
