باس قالادا «Joltap» جوباسى اياسىندا جاستار سارايى; «Ailand» ساۋدا جانە ويىن-ساۋىق ورتالىعى; «ۆسترەچا»; «ازيا پارك» جانە «تۇلپار» ساۋدا ۇيلەرى مەكەنجايى بويىنشا العاشقى 5 مودۋلدىك پۋنكت ءوز جۇمىسىن باستادى. بۇل تۋرالى استانا قالاسى ءماسليحاتىنىڭ توراعاسى ەرلان كاناليموۆ ءمالىم ەتتى.
«بارلىق پۋنكتتەر حقكو قاعيداتى بويىنشا جۇمىس ىستەيدى. باسقاشا ايتقاندا, مۇندا ءبىر جەردە حالىقتىڭ الەۋمەتتىك وسال توپتارى, جەتىمدەر, كوپبالالى وتباسىلار, قانداستار, مۇمكىندىگى شەكتەۋلى ادامدار, جۇمىسسىز ازاماتتار جانە باسقالار تەگىن قىزمەت الا الادى. «Joltap» جوباسى – تابىسىن ارتتىرۋعا ۇمتىلاتىن استانا تۇرعىندارى ءۇشىن مۇمكىندىكتەر باعدارلاماسى. ءموبيلدى پۋنكتتەردە جۇمىسقا ورنالاسۋ, وقىتۋ جانە بيزنەس اشۋ, تۇرعىن ءۇي, كاسىپكەرلىك جانە الەۋمەتتىك قولداۋ بويىنشا مەملەكەتتىك كومەك مۇمكىندىكتەرى تۋرالى كەڭەس الا الادى. مۇندا قىسقا مەرزىمدە جۇمىسشى ماماندىقتارىن وقىپ, ءتيىستى سەرتيفيكات الۋعا, ميكرونەسيە باعدارلاماسىمەن تانىسۋعا جانە قاتىسۋعا بولادى. ۋاقىت وتە كەلە قىزمەتتەر سانى تەك وسەدى. الداعى ايدا ەلوردادا تاعى دا كوپتەگەن پۋنكت اشىلادى» دەپ جازدى ە.كاناليموۆ الەۋمەتتىك جەلىدەگى پاراقشاسىندا.
مودۋلدىك پۋنكتتەر دۇيسەنبىدەن سەنبىگە دەيىن ساعات 10:00-دەن 20:00-گە دەيىن جۇمىس ىستەيدى. جوبانىڭ رەسمي سايتى: www.joltap.kz, تەل.: 8-707-221-31-31.
