ەلورداداعى «بوزوق» مۋزەي-قورىعىنىڭ كىتاپحاناسى سيرەك كىتاپپەن تولىقتى. بۇل – قازاقتىڭ كلاسسيك جازۋشىسى مۇحتار اۋەزوۆتىڭ «اباي جولى» رومانىنىڭ قازاق تىلىندەگى العاشقى دانالارىنىڭ ءبىرى.
مۋزەيگە كەلىپ تۇسكەن «اباي» كىتابى – 1953 جىلى جارىق كورگەن روماننىڭ ەكىنشى ءبولىمى. باسىلىمنىڭ ءبىرىنشى بەتىندە اۆتورعا كسرو مينيسترلەر كەڭەسىنىڭ شەشىمىمەن ءبىرىنشى دارەجەلى ستاليندىك سىيلىق بەرىلگەنى ايتىلعان.
مۇحتار اۋەزوۆتىڭ رومان-ەپوپەياسى قازاقستاندا عانا ەمەس, ودان تىس جەرلەردە دە كەڭىنەن تانىمال. كىتاپ ءتورت كىتاپتان تۇرادى. باستاپقىدا اۆتور «اباي» رومانىنىڭ ءبىرىنشى ءبولىمىن, ال كەلەسى ەكەۋىن «اباي جولى» دەپ اتاۋدى جوسپارلاعان. بىراق رومانمەن جۇمىس اياقتالعاننان كەيىن ولارعا «اباي جولى» دەگەن بىرىڭعاي اتاۋ بەرۋ تۋرالى شەشىم قابىلداندى.
«اباي جولى» ەپوپەياسىنىڭ تاريحي-ادەبي ءمانى – مۇحتار اۋەزوۆ ۇلى قازاق اقىنىن ماڭگى ەستە قالدىرىپ, ونىڭ ۇلى, ومىرلىك شىندىققا تولى بەينەسىن جاساپ, اباي پوەزياسى مەن ونىڭ مۇراتتارىنىڭ قازىرگى زامانمەن ۇڭدەستىگىن كورسەتتى.
ەپوپەيا شىنايى حالىق شىعارماسىنا اينالدى. وندا قازاق ۇلتتىق مىنەزىنىڭ قالىپتاسۋىنىڭ ەڭ تەرەڭ ۇدەرىستەرى بايقالادى, جارقىن بولاشاقتىڭ كەپىلى بولعان باي رۋحاني كۇشتەرى كورسەتىلدى.
الەمگە ايگىلى «اباي» رومانىنىڭ سيرەك باسىلىمىمەن «بوزوق» مۋزەي-
قورىعىندا تانىسۋعا بولادى.
