«ەل جۇرەگى – ەلوردا»

اتتى استانا قالاسىنىڭ وقۋشىلارى اراسىندا وتەتىن شىعارمالار بايقاۋىنىڭ ەرەجەسى

1. جالپى ەرەجەلەر

1.1. شىعارماشىلىق بايقاۋ استانا قالاسىنىڭ 25 جىلدىعىنا ارنالادى.

1.2. ەرەجە وسى بايقاۋدى وتكىزۋدىڭ ماقساتى مەن مىندەتتەرىن جانە ءتارتىبىن ايقىندايدى.

1.3. بايقاۋدىڭ ماقساتى:

– جۋرناليست بولۋعا ىنتالى وقۋشىلاردى قولداپ, شىعارماشىلىق قابىلەتىن شىڭداۋ;

– ورتا جانە جوعارى سىنىپ وقۋشىلارىن بەيىندىك وقىتۋعا ۇلەس قوسىپ, ولاردىڭ شىعارماشىلىق بەلسەندىلىگىن ارتتىرۋ, گازەت رەداكتسيالارىمەن بايلانىسىن نىعايتۋ;

– ەلورداداعى ءبىلىم بەرۋ مەكەمەلەرى مەن بۇقارالىق اقپارات قۇرالدارى اراسىنداعى ارىپتەستىك پەن ىنتىماقتاستىق بايلانىستى دامىتۋ.

2. بايقاۋدى وتكىزۋ ءتارتىبى

2.1. شىعارمالار 2023 جىلعى 15 قىركۇيەك پەن 15 قازان ارالىعىندا قابىلدانادى.

2.2. بايقاۋعا قاتىسۋشىلارعا قويىلاتىن تالاپتار:

– بايقاۋعا 7-11 سىنىپ وقۋشىلارى قاتىسا الادى;

– قاتىسۋشى ءوز شىعارماسىندا مەكتەپ وقۋشىلارىنىڭ ءبىلىم, يننوۆاتسيا, سپورت جانە مادەنيەت سالاسىنداعى الەۋەتى مەن مۇمكىندىكتەرىن اشۋداعى, ارمانىن جۇزەگە اسىرۋداعى استانانىڭ رولىنە توقتالۋى ءتيىس;

– شىعارمالار قازاق تىلىندە قابىلدانادى;

– بايقاۋعا قاتىساتىن وقۋشى 1 شىعارما عانا ۇسىنادى;

– قابىلدانعان جۇمىستار رەتسەنزيالانبايدى جانە قايتارىلمايدى;

– ماقالا ا-4 فورماتىندا, TimesNewRوman قارپىمەن, 14 مولشەردە, 1,0 ارالىقتا تەرىلۋى كەرەك.

– شىعارما 3 بەتتەن اسپاۋى ءتيىس.

3. بايقاۋعا جىبەرىلەتىن ماتەريالداردى ۇسىنۋ ءتارتىبى:

3.1. قاتىسۋشىلار بايقاۋ جۇمىسىن baiqay-astana@mail.ru ەلەكتروندى پوشتاسىنا جىبەرەدى;

3.2. بايقاۋ جۇمىسىنىڭ ەلەكتروندى نۇسقاسى (اۆتوردىڭ دەرەگىنسىز) بولەك فايلمەن جىبەرىلۋى ءتيىس;

3.3. العاشقى بەتتىڭ وڭ جاعىنا اۆتوردىڭ بۇركەنشىك ەسىمى عانا جازىلادى;

3.4. اۆتور تۋرالى اقپارات بولەك پاراقتا جولدانادى جانە كەلەسى مالىمەتتەردى قامتۋى كەرەك: اتى-ءجونى, تۇرعىلىقتى مەكەن جايى, تەلەفون ءنومىرى, ەلەكتروندى پوشتاسى, فوتوسۋرەتى, اۆتور تۋرالى قىسقاشا اقپارات.

4. جەڭىمپازداردى انىقتاۋ ءتارتىبى:

4.1. ۇيىمداستىرۋشىلار كەلىپ تۇسكەن وتىنىمدەردى ىرىكتەيدى.

4.2. جەڭىمپازداردى انىقتاۋ جانە سىيلىقتاردى بەرۋ بايقاۋ كوميسسياسىنىڭ شەشىمىمەن جۇزەگە اسىرىلادى.

4.3. بايقاۋدىڭ ادىلدىگىن ساقتاۋ ءۇشىن قازىلار القاسى تۋرالى اقپارات بايقاۋ قورىتىندىسى شىققانشا جاريالانبايدى.

4.4. كونكۋرستىق كوميسسيا 5 ادامنان قۇرالادى: ولاردىڭ قۇرامىنا ەلىمىزدىڭ جانە قالامىزدىڭ مەديا سالاسىنىڭ بەلگىلى جۋرناليستەرى كىرەدى;

4.5. جەڭىمپاز بەن جۇلدەگەرلەردى كوميسسيا داۋىس بەرۋ ارقىلى انىقتايدى ءارى بايقاۋ كوميسسياسىنىڭ شەشىمى تۇپكىلىكتى بولىپ تابىلادى جانە قايتا قاراۋعا جاتپايدى.

5. بايقاۋدى قورىتىندىلاۋ

5.1. بايقاۋ جەڭىمپازى مەن جۇلدەگەرلەرىنە ارنايى جۇلدە قاراستىرىلادى.

باس جۇلدە – «بالداۋرەن» رەسپۋبليكالىق وقۋ-ساۋىقتىرۋ ورتالىعىنا جولداما.

1 ورىن – پلانشەت.

2 ورىن – سمارتفون (ەكەۋ).

3 ورىن – سمارتساعات (ۇشەۋ).

ارنايى سىيلىق – سىمسىز قۇلاققاپ (ەكەۋ).

ۇيىمداستىرۋ كوميتەتىنىڭ بايلانىس تەلەفونى: 8 (707) 560-18-08.