استانادا قالانىڭ سىرت كەلبەتىن ديزاين-كودقا ءسايكەستەندىرۋ بويىنشا بەلسەندى جۇمىس جالعاسۋدا. تۇراقتى نەگىزدە ەلوردانىڭ بارلىق بەس اۋدانىندا كاسىپكەرلەرگە ءتۇسىندىرۋ جۇمىسى جۇرگىزىلۋدە.
استانادا جىل باسىنان بەرى 2700-گە جۋىق باننەر, جارنامالىق ماڭدايشا, ونىڭ ىشىندە ديزاين-كودقا سايكەس كەلمەيتىن دوڭگەلەكتەردەگى جارنامالار بولشەكتەلدى.
بەس اۋدان اكىمدىگىنىڭ قىزمەتكەرلەرى زاڭسىز جانە سايكەس كەلمەيتىن جارنامانىڭ ديزاين-كودىن ءتۇسىندىرۋ جانە بولشەكتەۋ بويىنشا كوشپەلى ءىس-شارالار وتكىزۋدە. كاسىپكەرلەرگە ءتۇسىندىرۋ جۇمىسى جۇرگىزىلىپ, ديزاين-كودقا سايكەس كەلمەيتىن ماڭدايشالاردى اۋىستىرۋ قاجەتتىلىگى تۋرالى بۋكلەتتەر بەرىلۋدە.
2023 جىلدىڭ قاڭتار ايىندا استانانى دامىتۋ ماسەلەلەرى جونىندەگى كەڭەستە پرەزيدەنت قاسىم-جومارت توقاەۆ كوشە جارناماسىن ورنالاستىرۋعا قويىلاتىن تالاپتىڭ ساقتالۋىن باقىلاۋدى كۇشەيتۋدى تاپسىرعان ەدى. جاۋاپتى مىندەت «استانا-جارناما» مەكەمەسىنە جۇكتەلگەن-ءدى.
ماڭدايشانى عيماراتتىڭ نەمەسە قۇرىلىستىڭ قاسبەتىنە ورنالاستىرۋ تۇجىرىمداماسى بار. وندا بيزنەس وكىلدەرىنە ەلوردانىڭ ارحيتەكتۋرالىق كەلبەتىن ءبىر ستيلدە جۇزەگە اسىرۋدىڭ ۇلگىسى كورسەتىلدى.
بۇگىندە ەلوردالىق كاسىپكەرلەر مەملەكەت تاراپىنان جان-جاقتى قولداۋدى سەزىنىپ كەلەدى. ولار جاڭا بيزنەس-يدەيالاردى ىسكە اسىرۋعا گرانت الۋ, نەسيە بويىنشا سىياقى مولشەرلەمەسىن سۋبسيديالاۋ, قارىزعا ءىشىنارا كەپىلدىك بەرۋ, جەتىسپەيتىن ينفراقۇرىلىمدى جۇرگىزۋ جانە تاعى باسقالار.
