استانادا جولداردى جوندەۋ جۇمىستارى قىزۋ جۇرگىزىلۋدە. قازىرگى كەزدە الماتى اۋدانىنىڭ ورتالىق 10 كوشەسى مەن تۇرعىن الاپتارداعى 20 كوشەنى جاڭارتۋ جالعاسۋدا.
ماسەلەن, جەلەزنودوروجنىي تۇرعىن الابىندا ۇزىندىعى 1100 مەتر ەكىباستۇز كوشەسىنە كۇردەلى جوندەۋ جۇمىستارى جۇرگىزىلۋدە.
بۇگىنگى تاڭدا جۇمىستاردىڭ 80%-ى ورىندالدى. جوبا بويىنشا اسفالت توسەلىپ, تروتۋار, كارىز جەلىلەرى – نوسەر, سۋمەن جابدىقتاۋ جانە سىرتقى جارىقتاندىرۋ جابدىقتالادى.
اۋدان اكىمدىگىنىڭ ءباسپاسوز قىزمەتى حابارلاعانىنداي, جول جوندەۋ جۇمىستارى تامىز ايىندا اياقتالادى.
قالانىڭ تۇرعىن الاپتارىن دامىتۋ ماقساتىندا 2010 جىلى استانا قالاسىنىڭ شەت ايماقتارىن دامىتۋ تۇجىرىمداماسى قابىلدانعان بولاتىن. تۇجىرىمداماعا سايكەس 2011-2022 جىلداردا جولدار مەن ينجەنەرلىك جەلىلەر سالىندى, ونىڭ ىشىندە 2019 جىلدان 2022 جىلعا دەيىن كوكتال-1, كوكتال-2, كومسومولسكي, ينتەرناتسيونالنىي, دوستىق تۇرعىن الاپتارىندا, وڭتۇستىك-شىعىس شاعىن اۋدانىنىڭ سول جاعىندا ينجەنەرلىك جەلىلەر سالۋ بويىنشا جۇمىستار جۇرگىزىلدى. سوڭعى ءتورت جىلدا ورتاشا جوندەۋ اياسىندا جالپى ۇزىندىعى 80 كم بولاتىن 237 كوشە جوندەلدى. اعىمداعى جىلى رەسپۋبليكالىق جانە جەرگىلىكتى بيۋدجەت ەسەبىنەن 6 تۇرعىن الاپتا 7 جوبانى ىسكە اسىرۋعا قاراجات ءبولىندى.
سونداي-اق قالالىق كولىك جانە جول-كولىك ينفراقۇرىلىمىن دامىتۋ باسقارماسى ەلوردانىڭ پەتروۆ كوشەسىندەگى جول توسەمىنە ورتاشا جوندەۋ جۇمىسىن باستادى. وسىعان بايلانىستى جول ۋچاسكەسى ۋاقىتشا جابىلدى.
جۇمىس جول قوزعالىسى قاۋىپسىزدىگىن قامتاماسىز ەتۋ ماقساتىندا قالانىڭ پقق اكىمشىلىك پوليتسيا باسقارماسىنىڭ كەلىسىمى بويىنشا جۇزەگە اسىرىلادى.
جول توسەمىن جوندەۋ پەتروۆ كوشەسى بويىندا جيرەنتاەۆ كوشەسىنەن جۇماباەۆ داڭعىلىنا دەيىنگى ۋچاسكەدە جۇرگىزىلەدى. وسىعان بايلانىستى اعىمداعى جىلدىڭ 18-22 مامىر كۇندەرى ارالىعىندا اتالمىش ۋچاسكەدە كولىك قوزعالىسى تولىعىمەن شەكتەلەتىن بولادى.
