– مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا ەكونوميكانى ترانسفورماتسيالاۋ, ازاماتتاردىڭ تۇرمىسىن جاقسارتۋ بويىنشا اۋقىمدى مىندەتتەر قويىلدى. ءبىز كەشە عانا وڭىرلەردى ارالاپ كەلدىك. سوندىقتان حالىقتى تولعاندىرىپ وتىرعان ماسەلەلەردى جاقسى بىلەمىز. ول – ءار وتباسىنىڭ بەرەكەلى ءومىر ءسۇرۋى, تۇراقتى جۇمىس, لايىقتى جالاقى, بالالاردىڭ اماندىعى مەن قاۋىپسىزدىگى. ەڭ باستىسى – ەلىمىزدەگى تىنىشتىق, بەيبىتشىلىك پەن تۇراقتىلىق. قاسىم-جومارت كەمەلۇلى بۇگىن وسى جانە جۇرتشىلىقتى الاڭداتقان وزگە دە ماسەلەلەردىڭ بارىنە ناقتى جاۋاپ بەردى. پرەزيدەنت ازاماتتارعا قامقورلىق جاساۋ, ولاردىڭ ال-اۋقاتىن ارتتىرۋ مەملەكەتتىڭ باستى نازارىندا ەكەنىن تاعى دا ايقىن كورسەتتى. ماسەلەن, كەلەر جىلى 1 قاڭتاردان باستاپ ەڭ تومەنگى جالاقى مولشەرى 85 مىڭ تەڭگەگە دەيىن كوتەرىلەدى. بۇل شارا 1,8 ميلليون ادامدى قامتيدى. ونىڭ 350 مىڭى – بيۋدجەت سالاسىنىڭ قىزمەتكەرلەرى.
سونىمەن قاتار تۇرعىنداردىڭ شامادان تىس نەسيە الۋى پرەزيدەنتتى قاتتى الاڭداتاتىنى بايقالدى. سوڭعى كەزدەرى بۇل الەۋمەتتىك شيەلەنىستىڭ نەگىزگى سەبەبىنىڭ بىرىنە اينالىپ كەلەدى. بۇگىندە ميلليوننان استام قازاقستاندىق نەسيەسىن تولەي الماي وتىر. مەملەكەت باسشىسى بۇعان دا ناقتى جاۋاپ بەردى. وسى ورايدا ازاماتتاردى جاپپاي قارجىلىق ساۋاتتىلىققا وقىتۋدىڭ اۋقىمىن كەڭەيتۋدى تاپسىردى. حالىقتىڭ تۇرمىس ساپاسى ەكونوميكالىق وسىمگە تىكەلەي قاتىستى. ال جاڭا ەكونوميكالىق سەرپىلىس جاساۋ ءۇشىن مەملەكەتىمىزدە مۇمكىندىك مول.
مەملەكەت باسشىسى تۇرعىن ءۇي-كوممۋنالدىق شارۋاشىلىعى ماسەلەلەرىنە ەرەكشە نازار اۋداردى. كەيبىر وڭىرلەردە «كوممۋنالدىق كوللاپس» بولعانىن ءبارىمىز دە كوردىك. تۇرعىندار جىلۋ, سۋ, ەلەكتر جارىعىنسىز قالدى. بۇل – اۋقىمدى ماسەلەلەر جانە دە ۇلكەن ءارى ۇزاق مەرزىمدى ينۆەستيتسيانى قاجەت ەتەدى. وسى ورايدا جولداۋدا ينفراقۇرىلىمدى كەشەندى تۇردە جاڭعىرتۋ مىندەتى جۇكتەلدى. سۋ ماسەلەسى دە ەلىمىز ءۇشىن اسا وزەكتى. اسىرەسە سۋدىڭ ساپاسى مەن حالىققا قولجەتىمدىلىگىنە قاتىستى وڭىرلەردە ماسەلە كوپ. ونى كەشە وبلىستاردى ارالاۋ كەزىندە كوزىمىزبەن كوردىك. وسى ورايدا سۋعا قاتىستى ماسەلەلەردى تولىق شەشۋ ءۇشىن سۋ رەسۋرستارى جانە يرريگاتسيا مينيسترلىگى قۇرىلادى. تاعى ءبىر ماڭىزدى ماسەلە – كولىك-لوگيستيكا. بۇل سالا ەكونوميكانىڭ كۇرەتامىرىنا اينالىپ كەلەدى. بۇگىن جولداۋدا تەڭىز, جول ينفراقۇرىلىمىن دامىتۋ, كولىك الەۋەتىن ارتتىرۋ بويىنشا ءبىراز مىندەت جۇكتەلدى. ول ءۇشىن كولىك مينيسترلىگى قايتا قۇرىلىپ, وسى جۇمىسپەن تىكەلەي اينالىسادى.
جالپى العاندا, پرەزيدەنت وسى سەسسياعا ارنالعان زاڭ شىعارۋ جۇمىسىنىڭ باسىم باعىتتارىن ايقىنداپ بەردى. ءبىز جاڭا سالىق جانە بيۋدجەت كودەكستەرىن قابىلدايمىز. ولار كاسىپكەرلىكتىڭ دامۋىن ىنتالاندىرىپ, بيزنەس-پروتسەستەردىڭ ءبارىن تۇسىنىكتى جانە اشىق ەتۋى كەرەك. سونىمەن قاتار تسيفرلاندىرۋدى جەتىلدىرۋگە, عىلىم مەن تەحنولوگيانى دامىتۋعا زاڭنامالىق تۇرعىدان تىڭ سەرپىن بەرۋ قاجەت. بۇدان بولەك, مونوپولياعا قارسى كۇرەستىڭ تيىمدىلىگىن ارتتىرۋ ءۇشىن قولدانىستاعى زاڭعا وزگەرىستەر ەنگىزەمىز. ءبىزدىڭ ماقساتىمىز – جولداۋدا ايتىلعان مىندەتتەردىڭ زاڭنامالىق دەڭگەيدە ساپالى ءارى جەدەل ورىندالۋىن قامتاماسىز ەتۋ. رەسپۋبليكالىق بيۋدجەتتەن بولىنگەن ءاربىر تيىن مۇلتىكسىز ءوز ماقساتىنا جۇمسالۋعا ءتيىس. دەپۋتاتتار مۇنى قاتاڭ قاداعالاۋى قاجەت.
ەرلان قوشانوۆ,
ءماجىلىس توراعاسى
