ەكسپو حالىقارالىق كورمە ورتالىعىنىڭ الاڭىندا KIDS EXPO «بالالار الەمى» بالالار تاۋارلارىنىڭ جارمەڭكەسىن استانا قالاسىنىڭ اكىمدىگى Qazexpocongress ۇلتتىق كومپانياسىمەن بىرلەسىپ وتكىزدى.
ەكسپو حالىقارالىق ورتالىعىنىڭ الاڭىنداعى جارمەڭكەدە ساتۋشىلار اتا-انالارعا مەكتەپ قۇرالدارىنىڭ بارلىق اسسورتيمەنتىن ۇسىندى: كەڭسە تاۋارلارى, سومكە, سپورت كوستيۋمى, مەكتەپ فورماسى, اياق كيىم جانە تاعى باسقالار.
– ءبىز بۇل شارانى اتا-انالار مەكتەپكە قاجەتتى بارلىق زاتتاردى ساتىپ الىپ, بارلىعىن ءبىر الاڭدا ساتىپ الۋى ءۇشىن ۇيىمداستىردىق. جارمەڭكەگە ءارتۇرلى ءونىمدى ۇسىناتىن 60-تان استام كومپانيا قاتىسىپ جاتىر. ءىس-شارا اياسىندا قايىرىمدىلىق اكتسياسى ءوتتى, وعان 13 كاسىپكەر قاتىسۋعا نيەت ءبىلدىردى. ولار الەۋمەتتىك جاعدايى تومەن 16 بالاعا كەڭسە تاۋارلارى بار مەكتەپ ريۋكزاگىن سىيعا تارتتى. ءبىز كاسىپكەرلەرگە بالالاردىڭ جاسى مەن قاجەتتىلىكتەرىن ەسكەرە وتىرىپ, ريۋكزاكتار مەن كەڭسە تاۋارلارىن تاڭداۋعا مۇمكىندىك بەرگەنى ءۇشىن جانە وسى ءىس-شاراعا مۇقيات ازىرلەنگەنى ءۇشىن ريزاشىلىعىمىزدى بىلدىرەمىز, – دەدى Qazexpocongress ۇلتتىق كومپانياسىنىڭ ءباسپاسوز حاتشىسى گۇلجان سەرگيباەۆا.
باستاۋىش سىنىپ وقۋشىسىنىڭ اناسى ءمادينا بەكبەرگەنوۆا جارمەڭكەدە ءوزىنىڭ ۇلى ازاماتقا جەڭىلدىكپەن فورما ساتىپ الىپ, ءوز اسەرىمەن ءبولىستى:
– ءبىز بىرنەشە دۇكەنگە باردىق. ارينە, باعا الدەقايدا جوعارى. بىزگە ءبىر جەردە بالانى دايىنداۋمەن بارلىق ماسەلەنى شەشۋگە بولاتىنى ۇنادى. جارمەڭكەدە ءبىر الاڭنان مەكتەپ فورماسى, كىتاپ, داپتەر, قالام, قارىنداش, ريۋكزاك ساتىپ الدىق. بالالارعا شەبەرلىك سىنىپتارى, ويىن الاڭدارى, مادەني-ويىن-ساۋىق باعدارلاماسى بار بالالار شىعارماشىلىق ستۋديالارىنىڭ قويىلىمدارى جانە سپورت شارالارى ۇسىنىلدى.
ايتا كەتەيىك, جارمەڭكە 21 تامىزعا دەيىن ءوتتى.
