يسپانيانىڭ دەنيا قالاسىندا ححح حالىقارالىق فولكلورلىق بي فەستيۆالى ءوتىپ جاتىر. قازاقستان اتىنان پيرەنەي تۇبەگىنە اتتانعان استانا قالاسى اكىمدىگىنىڭ «ناز» مەملەكەتتىك بي تەاترىنا فەستيۆال شىمىلدىعىن اشىپ, ونەر كورسەتۋ قۇرمەتى بۇيىردى.
«حۋان ناۆاررو» فولكلورلىق اسسوتسياتسياسى ۇيىمداستىرعان فەستيۆالدىڭ اشىلۋى بارىسىندا 75 مينۋت بويى ونەر كورسەتكەن «ناز» تەاترى ونەرپازدارىنا يسپاندىقتاردىڭ ىقىلاسى ەرەكشە بولدى. اسا ىجداھاتتىلىقپەن, زەيىن قويىپ تاماشالاعان كورەرمەندەر استانالىق بيشىلەردى قايتا-قايتا ساحناعا شاقىردى. اسىرەسە «نازدىقتار» «قارا جورعا» بيىمەن قوشەمەتكە بولەندى. بارلىق كونتسەرتتىك نومەردى ە.راحماديەۆ اتىنداعى مەملەكەتتىك اكادەميالىق فيلارمونياسىنا قاراستى «قورقىت» ەتنوانسامبلى سۇيەمەلدەدى. ۇلتتىق اسپاپتار ءۇنى مەن ۇلتتىق بي ۇندەسىپ, يسپان حالقىن ءتانتى ەتتى.
