اعىمداعى جىلدىڭ 1 ناۋرىزىنان باستاپ قر مەملەكەتتىك قىزمەت ىستەرى اگەنتتىگى پيلوتتىق رەجيمدە مەملەكەتتىك قىزمەتكە ىرىكتەۋدىڭ جاڭا جۇيەسىن سىناقتان وتكىزۋدە.
پيلوتتىق باعدارلاما بويىنشا 5 مەملەكەتتىك ورگاندا, اتاپ ايتقاندا, مەملەكەتتىك قىزمەت ىستەرى اگەنتتىگىندە, يندۋستريا جانە ينفراقۇرىلىمدىق دامۋ مينيسترلىگىندە, ساۋدا جانە ينتەگراتسيا مينيسترلىگىندە, اقمولا وبلىسى مەن شىمكەنت قالاسىنىڭ اكىمدىكتەرىندە جۇمىسقا ورنالاسۋعا بولادى.
«Eqyzmet.gov.kz» سايتىندا مەملەكەتتىك قىزمەتكە ىرىكتەۋدىڭ جاڭا الگوريتمى ازىرلەنگەن. كونكۋرستىق ءراسىمنىڭ جاڭا فورماتى ۇمىتكەرلەرگە كونكۋرسقا بارلىق كەزەڭدەردە, كەز كەلگەن ۋاقىتتا جانە الەمنىڭ كەز كەلگەن نۇكتەسىنەن قاتىسۋعا مۇمكىندىك بەرەدى. ول ءۇشىن تەك سايتتا تىركەلىپ, وزىڭىزگە ۇناعان بوس لاۋازىمدارعا ءوتىنىش جىبەرسەڭىز جەتكىلىكتى.
«ە-قىزمەت» جۇيەسى بارلىق نەگىزگى اقپاراتتىق جۇيەلەرمەن بىرىكتىرىلگەن. بۇل مەملەكەتتىك قىزمەتكە ۇمىتكەرلەرگە قۇجاتتاردى جيناۋعا ۋاقىت جۇمساماۋعا مۇمكىندىك بەرەدى. ۇمىتكەر تۋرالى وزگە اقپاراتتىق جۇيەلەردەن اقپارات الۋ, ونىڭ سوتتىلىعىن نەمەسە وزگە دە قۇقىق بۇزۋشىلىقتارعا قاتىستىلىعىن تەكسەرۋ, بىلىكتىلىك تالاپتارىنا سايكەستىگىن قاراۋ – مۇنىڭ ءبارىن اۆتوماتتى تۇردە جۇزەگە اسىرادى. بۇل, ارينە, مەملەكەتتىك قىزمەتكەرلەردى ىرىكتەۋ پروتسەسىن تەزدەتۋدە كومەكتەسەدى.
كونكۋرسقا قاتىسۋ ءۇشىن سىزگە ءبىرىنشى كەزەكتە مەملەكەتتىك ءتىلدى جانە قازاقستان رەسپۋبليكاسىنىڭ زاڭنامالارىن (قازاقستان رەسپۋبليكاسىنىڭ كونستيتۋتسياسى, قازاقستان رەسپۋبليكاسىنىڭ مەملەكەتتىك قىزمەتى تۋرالى زاڭى, سىبايلاس جەمقورلىققا قارسى ءىس-قيمىل تۋرالى زاڭ, قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسى) بىلۋگە تەستىلەۋدەن ءوتۋ قاجەت. تەستىلەۋ باعدارلاماسىندا كورسەتىلگەن ماندەردەن تومەن ناتيجەلەردى جيناعان ادامداردى قايتا تەستىلەۋگە جىبەرۋگە كۇنتىزبەلىك ءۇش كۇن وتكەن سوڭ عانا جول بەرىلەدى.
مەملەكەتتىك ءتىلدى بىلۋگە ارنالعان تەستىلەۋدەن وتۋگە شەكتى ءمان بەلگىلەنبەيدى. تەستىلەۋدەن ءوتۋ كەزىندە ءتيىستى تالاپتاردىڭ مۇلتىكسىز ساقتالۋىن باقىلاۋ پروكتورينگ جۇيەسىمەن قامتاماسىز ەتىلەدى.
ەگەر زاڭناما بويىنشا تەستىلەۋدى ءساتتى تاپسىرساڭىز, كەلەسى جەكە قاسيەتتەردى باعالاۋ تەستىلەنۋىنە وتەسىز. جەكە قاسيەتتەرىن باعالاۋعا تەستىلەۋ مەملەكەتتىك قىزمەتشىلەردىڭ كاسىبي داعدىلارى مەن مورالدىق-ەتيكالىق قاعيداتتارىن ايقىنداۋ ءۇشىن جۇرگىزىلەدى.
پيلوتتىق باعدارلاماعا ەنگىزىلگەن جاڭاشىلدىقتىڭ ءبىرى – مەملەكەتتىك قىزمەتشىنىڭ ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋ. ماتىندىك اقپاراتپەن جۇمىس ىستەۋ قابىلەتىن باعالاۋدا مەملەكەتتىك قىزمەتشىنىڭ شاعىن ماتىندەردى ءتۇسىنۋى جانە ونى دۇرىس تۇجىرىمداي ءبىلۋى سىنالسا, ساندىق اقپاراتپەن جۇمىس تاپسىرمالارى اقپاراتتى ىزدەۋ, تالداۋ جانە ەسەپتەۋ قابىلەتىن باعالاۋعا باعىتتالعان. سوندىقتان شارت ادەتتە ساندارمەن, گرافيكتەرمەن نەمەسە ەسكەرتۋلەرمەن جۇكتەلەدى.
ماتىندىك جانە ساندىق تەستتەن ەڭ جوعارى ۇپاي جيناعان 3 ۇمىتكەر ىرىكتەۋدىڭ سوڭعى كەزەڭى سۇحباتقا جولدانادى. سۇحبات ناتيجەسىن ارنايى ءتارتىپ بويىنشا قۇرالعان كوميسسيا مۇشەلەرى باعالايدى.
جالپى العاندا, مەملەكەتتىك قىزمەتكە ىرىكتەۋدىڭ جاڭا جۇيەسى كونكۋرستىڭ اشىق ءوتۋىن قامتاماسىز ەتەدى, سوندىقتان دا ءار كەزەڭنەن كەيىن ءار ۇمىتكەر ءوزىنىڭ جانە باسقا ۇمىتكەرلەردىڭ قورىتىندى ناتيجەلەرىمەن تانىسا الادى.
بۇل پيلوتتىق باعدارلاما ءوز كەزەگىندە بيۋروكراتيا كورىنىسىنە جول بەرمەيتىن مەملەكەتتىك اپپاراتتىڭ سەرۆيستىك مودەلىن قالىپتاستىرۋعا جانە مەملەكەتتىك قىزمەتكە ىرىكتەۋدىڭ اشىقتىعىن قامتاماسىز ەتۋگە ءوز ۇلەسىن قوسادى.
ايگەرىم ەرجانوۆا, قر مەملەكەتتىك
قىزمەت ىستەرى اگەنتتىگى استانا قالاسى بويىنشا دەپارتامەنتى مەملەكەتتىك قىزمەت سالاسىنداعى باقىلاۋ باسقارماسىنىڭ باس مامانى
