استانادا «باسپاسوزگە جازىلۋشىلار» مەرەكەسى ءوتتى.
«قازپوشتا» اق «استانا پوچتامتى» استانالىق فيليالى ۇيىمداستىرعان ءىس-شاراعا «ەگەمەن قازاقستان», «كازاحستانسكايا پراۆدا», «استانا اقشامى», «ۆەچەرنيايا استانا», «ايقىن», «ليتەر», «تۇركىستان», «قازاقستان كاسىپوداعى», «ەلوردا ءبىلىمى», «جاڭا باستاۋ» گازەتتەرى, «National geographic» جۋرنالى جانە باسقا دا ءباسپاسوز وكىلدەرى قاتىستى.
مەرەكەلىك ءىس-شارا بارىسىندا وقىرماندار گازەت-جۋرنال باسشىلارىمەن, سونداي-اق جۋرناليستەرمەن سۇحباتتاسىپ, وزدەرىنىڭ ويلارىن ورتاعا سالدى. ال ءوز كەزەگىندە رەداكتسيا وكىلدەرى «استانا پوچتامت» مەكەمەسىنىڭ باسشىلىعىنا ارىپتەستىك قارىم-قاتىناستارى ءۇشىن ريزاشىلىقتارىن ءبىلدىرىپ, بىرقاتار پوچتا قىزمەتىنىڭ ارداگەرلەرىنە العىس حاتتار مەن سىيلىقتار بەردى.
بولات ابەنوۆ, ميب توراعاسى:
– مەن «استانا اقشامى» جانە «ۆەچەرنيايا استانا» گازەتتەرىنىڭ وقىرمانىمىن. وسى باسىلىمداردان بارلىق جاڭالىقتى, وزىمىزگە قاجەتتى اقپاراتتى الامىز. بۇگىنگى ءىس-شاراعا ارنايى كەلدىم. جۋرناليستەرمەن كەزدەسكىم كەلدى. راحمەتىمدى ايتتىم. استانالىق گازەتتەرگە مىندەتتى تۇردە جازىلامىن.
ءىس-شارا بارىسىندا گازەتكە جازىلۋشىلار دا تابىلدى. سونىڭ ءبىرى جۋرناليستيكا ارداگەرى عاليا بالتاباي بولدى.
– مەن راديو ءجۋرناليسىمىن. بىراق گازەت-جۋرنال دەگەن – مەنىڭ رۋحاني ازىعىم. رەداكتسيا قىزمەتكەرلەرىنە شىعارماشىلىق شابىت تىلەيمىن. ىرىم بولسىن دەپ الداعى جىلعا «استانا اقشامى» گازەتىنە جازىلدىم.
باسپاسوزگە جازىلۋشىلار مەرەكەسى شىن مانىندە وقىرمان مەن جۋرناليستەردىڭ جۇزدەستىرگەن, ويلى ۇسىنىستار ورتاعا سالىنعان يگى ءىس-شارا بولدى. وسىنداي شارانى ۇيىمداستىرعان «استانا پوچتامت» ۇجىمىنا «Elorda Aqparat» مەدياكومپانياسىنىڭ ديرەكتورى ولجاس سىدىقبەك ارىپتەستىك قارىم-قاتىناس ءۇشىن العىسىن ايتىپ, حالىق ءۇشىن جاساپ جاتقان بەرەكەلى ىستەرىنە ساتتىلىك تىلەدى.
مەرەكەلىك ءىس-شارا مەكەمە قىزمەتكەرلەرىنىڭ كونتسەرتىنە ۇلاستى.
