تازا بولسىن قالامىز
![](https://astana-akshamy.kz/wp-content/uploads/2022/10/DSC_4558-780x470.jpg)
قاي قالانىڭ بولسىن كوركى مەن ءسانى تازالىعىنان كورىنەدى. وسى ورايدا استانانىڭ اجارىن كەلتىرىپ جۇرگەن تازالىقشىلار ەڭبەگى ۇشان-تەڭىز. تاڭ اتقاننان كۇن باتقانعا دەيىن قالا كوشەلەرىن قوقىستان تازارتىپ جۇرەتىن كوممۋنالدىق قىزمەت جۇمىسشىلارىنىڭ الەۋمەتتىك جاعدايىن جاقسارتۋعا ەلوردا اكىمدىگى ەرەكشە ماڭىز بەرىپ كەلەدى. استانا قالاسىنىڭ اكىمى التاي كولگىنوۆ ەلوردانىڭ تازالىعىنا جاۋاپتى «استانا تازالىق» جشس قىزمەتكەرلەرىمەن كەزدەستى.
– ءبىزدىڭ كوممۋنالدىق قىزمەت كۇندىز دە, تۇندە دە, كەز كەلگەن اۋا رايىنا قاراماستان: ايازدى جانە جاڭبىرلى كۇنى, قار جاۋعاندا دا جۇمىس ىستەيدى. تازالىقشىلاردىڭ قاجىرلى جانە جاۋاپتى جۇمىسىنىڭ ارقاسىندا قالادا ءتارتىپ پەن تازالىق ساقتالادى, – دەدى استانا قالاسىنىڭ اكىمى التاي كولگىنوۆ «استانا تازالىق» كاسىپورنى جۇمىسشىلارىمەن كەزدەسۋ بارىسىندا.
سوڭعى ءۇش جىلدا 300-دەن استام ارنايى تەحنيكا مەن جابدىق الىنىپ, اۆتوپارك ايتارلىقتاي جاڭارىپ, قىزمەت ساپاسى ارتتى.
ەندى قالا ومىرىندە ماڭىزدى قىزمەت اتقارىپ جاتقان مامانداردىڭ جالاقىسىن قاراشا ايىنان باستاپ 20 پايىزعا (جول جۇمىسشىسى مەن جۇرگىزۋشىنىڭ جالاقىسى) ارتادى. بۇعان دەيىن جالاقى باسقا ساناتتار ءۇشىن دە كوتەرىلگەن ەدى.
– سىياقىلار, سونىڭ ىشىندە مەرەكە كۇندەرىنە ەنگىزىلدى. بىراق بۇل دا جەتكىلىكسىز. ءبىز جاعداي جاساۋ ءۇشىن بارلىق كۇش-جىگەرىمىزدى جۇمسايمىز, سونىڭ ىشىندە كوممۋنالدىق قىزمەت قىزمەتكەرلەرىنىڭ جالاقىسىن كوتەرەمىز, – دەدى قالا باسشىسى.