تاەكۆوندوشىلار ءتۋرنيرى
![](https://astana-akshamy.kz/wp-content/uploads/2022/10/DSC05289-780x470.jpg)
استانا قالاسىندا تاەكۆوندو سپورتىنان بالالار اراسىنداعى قازاقستان چەمپيوناتى باستالدى. استانا قالاسى اكىمدىگىنىڭ قولداۋىمەن ءوتىپ جاتقان جارىستى رەسپۋبليكالىق جانە استانالىق تاەكۆوندو فەدەراتسيالارى جانە ەلوردالىق دەنە شىنىقتىرۋ جانە سپورت باسقارماسى وتكىزۋدە.
استاناداعى جارىسقا قازاقستان چەمپيونى اتاعىن ساراپقا سالۋ ءۇشىن ەلىمىزدىڭ بارلىق ايماقتارىنان 8-11 جاس ارالىعىنداعى 1500 ءجاسوسپىرىم جينالدى. ءۇش كۇنگە سوزىلاتىن جارىستىڭ چەمپيوندارى سارسەنبى كۇنى بەلگىلى بولادى.
استانا قالالىق تاەكۆوندو فەدەراتسياسىنىڭ پرەزيدەنتى نۇرلان كۋپەشوۆ وسى چەمپيوناتتا ۇزدىك شىققان سپورتشىلار رەسپۋبليكا قۇراماسىنا قابىلدانىپ, ازيا چەمپيوناتى مەن حالىقارالىق جارىستاردا ەل نامىسىن قورعايتىنىن اتاپ ءوتتى.
قازاقستان بىرىنشىلىگى 8-9 جاستاعى بالالار اراسىنداعى ىرىكتەۋ جەكپە-جەكتەرىمەن باستالدى. جەڭىسكە جەتكەندەر ەرتەڭ جۇلدەلى ورىندارعا تالاساتىن بولادى. سونىمەن قاتار 10-11 جاستاعى بالالار دا تاتاميگە شىعىپ, باقتارىن سىنايتىن بولادى.