ەلوردادا قالا تۇرعىندارىمەن كەزدەسۋ جالعاسۋدا. باس شاھاردىڭ اۋداندىق اكىمدىكتەرى باسقارمالارمەن بىرلەسىپ «Sport City», «زام زام», «حايۆيل» جانە ت.ب. تۇرعىن ءۇي كەشەنىنىڭ تۇرعىندارىمەن بىرقاتار ماسەلەنى تالقىلادى. كەزدەسۋدە تۇرعىن ءۇي كەشەنىنىڭ ورنىنا الەۋمەتتىك نىساندار مەن قوعامدىق كەڭىستىكتەر: سكۆەرلەر, بۋلۆارلار, اۋلالار سالىناتىنى بەلگىلى بولدى.
ماسەلەن, «Sport City» تۇرعىن ءۇي كەشەنىنىڭ (تك) تۇرعىندارى اكىمدىككە جاقىن ماڭداعى اۋماقتا تك قۇرىلىسىن توقتاتۋ ماسەلەلەرى بويىنشا جۇگىنگەن-ءدى. وسىلايشا, «Sport City» جانە «اسەم تاس-2» تۇرعىن ءۇي كەشەنىنىڭ اراسىنداعى جەر تەلىمىندە سكۆەردىڭ قۇرىلىسى جۇرگىزىلەدى. سول اۋداندا 2400 ورىندىق مەكتەپ (2 اۋىسىمدا) سالىنۋدا. قالانىڭ باس جوسپارىندا مەديتسينالىق ورتالىقتى ورنالاستىرۋعا ارنالعان ۋچاسكە بار («حايۆيل پارك-1» ارتىندا ورنالاسقان).
«حايۆيل» تك تۇرعىندارىنىڭ وتىنىشىنە قاتىستى ا.بايتۇرسىنوۆ كوشەسى, 7 (حايۆيل تك) جەر ۋچاسكەسىندە, بۇرىن ايتىلعانداي, تك ورنىنا مەكتەپ سالىناتىن بولادى. بۇدان باسقا, ر.قوشقارباەۆ داڭعىلى مەن اقىرتاس كوشەسى قيىلىسى ماڭىندا «حايۆيل» تك قاراما-قارسى وقۋشى ورىندارىنىڭ تاپشىلىعىن ازايتۋ ماقساتىندا تاعى ءبىر ءبىلىم بەرەتىن مەكتەپ سالىنادى.
«زام-زام» تك تۇرعىندارىنىڭ ءوتىنىشى بويىنشا تۇرعىن ءۇي كەشەنىنىڭ جانىندا 4 مىڭ وقۋشىعا ارنالعان (2 اۋىسىمدا) مەكتەپ سالىنۋدا. سونداي-اق ا.بەكتۇروۆ (بۇرىنعى اتاۋى №49), تولە بي (بۇرىنعى اتاۋى №51), №69 كوشەسىن, مەكتەپكە كىرەبەرىس جولدارىن سالۋ جۇمىسى جۇرگىزىلۋدە. كەلەسى جىلى وسى اۋداندا سكۆەردىڭ قۇرىلىسى باستالادى.
ك.كۇمىسبەكوۆ كوشەسى, 9 مەكەنجايى بويىنشا 21 قاباتتى تۇرعىن ءۇي كەشەنى مەن پاركينگتىڭ ورنىنا قوعامدىق كەڭىستىك پەن سكۆەر سالىنادى.
دەمالۋ جانە سەرۋەندەۋ ءۇشىن قوعامدىق كەڭىستىك (سكۆەر) قۇرۋ بويىنشا ۇقساس جوسپار ماڭگىلىك ەل داڭعىلىنىڭ جانىنداعى ەسىل اۋدانىنداعى №9 ەمحانا مەن №77 مەكتەپ-گيمنازيا اراسىنداعى ۋچاسكەدە جۇزەگە اسىرىلادى.
بۇدان بولەك م.گوركي-كوسىگين-چەليۋسكينتسەۆ-يشيمسكايا كوشەسىنىڭ كۆادراتىندا تك ورنىنا سكۆەر سالىنادى.
ەلوردانىڭ جەلىلىك پاركىندە تۇرعىن ءۇي كەشەنىنىڭ قۇرىلىسى توقتاتىپ, ساياباقتى اباتتاندىرۋ جۇمىسى جالعاسۋدا.
قابانباي باتىر داڭعىلىنداعى كەرەي-جانىبەك حاندار جانە ورىنبور كوشەسىنىڭ اراسىنداعى جەر تەلىمىندە قالا تۇرعىندارىمەن وتكەن كەزدەسۋدە ايتىلعانداي, مەديتسينالىق ورتالىق سالىنادى.
اتالعان جوبالار بويىنشا ەگجەي-تەگجەيلى جوسپارلاۋ جوباسىنا وزگەرىستەر ەنگىزىلدى.
