قىزدار اراسىندا تاقيا كيۋ سانگە اينالدى. بۇرىندارى ونى تەك ۇلتتىق مەيرامداردا عانا كورەتىنبىز. قازىر بۇل قازاق قىزدارىنىڭ كوركىن اشاتىن ءساندى بۇيىمنىڭ ءبىرى سانالادى. تاقياعا تاعىلاتىن اشەكەيلەردىڭ ءوزى دە كۇمىستەن جاسالىپ, قازاقى ويۋ-ورنەكپەن كومكەرىلگەن.
ەرتەدە قىزداردىڭ تاقياسىنا ىلىنەتىن ۇكىاياق دەگەن اشەكەي بولعان. مۇنى اشەكەي دەۋگە دە كەلمەيتىن شىعار. ويتكەنى بۇل گيگيەنالىق زات رەتىندە قولدانىلعان. ونىمەن تىرناق تازالاعان, قاجەت ەمەس كەزىندە تاقيانىڭ تومەنگى جاعىنا ءىلىپ قويعان.
قىز بالانىڭ بارلىق دۇنيەسى ادەمى, كوز تارتاتىنداي بولۋى كەرەك ەمەس پە؟! سوندىقتان وعان تيىن, مونشاق, سالپىنشاق تاعىپ اسەمدەگەن. ءدال وسىنداي ۇكىاياقتى ءبىز وبلىستىق تاريحي-ولكەتانۋ مۋزەيىنەن كەزدەستىردىك. ەكسپوناتتار اراسىندا تۇرعان بۇل بۇيىم ءحىح عاسىردىڭ سوڭىندا قولدانىلعان ەكەن. ۇكىاياق كۇمىسپەن كومكەرىلىپ, بەزەندىرىلگەن.
سىمبات بەگىمباەۆا
