شىنى كەرەك, ءار ءپاندى, ءاربىر جاڭا نارسەنى ۇيرەتۋدە پەداگوگتىڭ ءرولى زور. مۇعالىمدەر كۇنى قارساڭىندا ءبىز وقىرماندارىمىزدى قالامىزدىڭ كورنەكتى پەداگوگتارىمەن تانىستىرۋدى جالعاستىرامىز. ولاردىڭ ارقايسىسى ءوز ىسىنە بەرىلگەن جانە ءوز ءومىرىن شاكىرتتەرسىز كوزگە ەلەستەتە المايدى.
ءبىزدىڭ بۇل جولعى كەيىپكەرىمىز – پەداگوگيكاداعى جاڭاشىل باعىتتى قولدايتىن جاس مامان, بيولوگيا ءپانىنىڭ مۇعالىمى, زەرتتەۋشى-پەداگوگ ءۋاليحان كالحودجاەۆ. شاكىرتى ومار دىنمۇحاممەد – دارىندى ەر بالالارعا ارنالعان «ءبىلىم-يننوۆاتسيا» ليتسەي-ينتەرناتىنىڭ وقۋشىسى, بيولوگيادان حالىقارالىق وليمپيادانىڭ جۇلدەگەرى.
«ءبىلىم بەرۋ, وقىتۋ – جاۋاپسىزدىق پەن قاتەلىكتى كوتەرمەيتىن نازىك جۇيە, ول – ادام تاعدىرى. وقىتۋ, ءبىلىم بەرۋ – ۇنەمى مۇعالىمنىڭ ىزدەنىسىن, شىعارماشىلىق شىڭدالۋىن تالاپ ەتەتىن كۇردەلى ءۇردىس» دەيدى ءۋاليحان نۇرمۇحانبەتۇلى بىزبەن اڭگىمەسىندە.
ءۋاليحان كالحودجاەۆ – نازارباەۆ ۋنيۆەرسيتەتىنىڭ 2018 جىلعى تۇلەگى. استانا قالاسى اكىمدىگىنىڭ دارىندى ەر بالالارعا ارنالعان «ءبىلىم-يننوۆاتسيا» ليتسەي-ينتەرناتىندا بيولوگيا ءپانىنىڭ مۇعالىمى.
جەتىستىكتەرى: قر بعم العىس حاتى (2021 ج.); «دارىن» رعپو العىس حاتى (2021 ج.); استانا قالاسى ءبىلىم بەرۋدى جاڭعىرتۋ ورتالىعىنىڭ العىس حاتى (2021, 2022 جج.); نۇر-سۇلتان قالاسى ءبىلىم باسقارماسىنىڭ العىس حاتى (2021 ج.); نۇر-سۇلتان قالاسى «ءبىلىم-يننوۆاتسيا» ليتسەي-ينتەرناتىنىڭ العىس حاتى (2022 ج.); شىعىس قازاقستان وبلىسى ءبىلىم باسقارماسىنىڭ العىس حاتى (2019 ج.);
ۋ.كالحودجاەۆ نۇر-سۇلتان قالاسىنداعى بيولوگيا ءپانى مۇعالىمدەرى اراسىندا وتكەن قالالىق سەزدە «ءۇش تىلدىلىك – ءبىلىم بەرۋ دامۋىنىڭ جاڭاشا باستاۋى» تاقىرىبىندا تاجىريبەسىمەن ءبولىسىپ, كوپتەگەن العىسقا يە بولدى.
ءۋاليحان كالحودجاەۆ 2018 جىلدان باستاپ قازاقستاندىق ءبىلىم بەرۋ سالاسىندا ەڭبەك ەتىپ كەلەدى. 2020 جىلدىڭ قىركۇيەگىنە دەيىن وسكەمەن قالاسىنداعى شىعىس قازاقستان وبلىستىق دارىندى بالالارعا ارنالعان مامانداندىرىلعان «ءبىلىم-يننوۆاتسيا» ليتسەيىندە بيولوگيا پانىنەن ساباق بەردى. ەكى جىلدان بەرى استانا قالاسىنىڭ دارىندى ەر بالالارعا ارنالعان «ءبىلىم-يننوۆاتسيا» ليتسەي-ينتەرناتىندا بيولوگيا ءپانى مۇعالىمى بولىپ قىزمەت اتقارادى. ەڭبەك جولىندا ول ءوزىن سانالى, جاۋاپكەرشىلىگى مول, تالانتتى, كرەاتيۆتى قىزمەتكەر رەتىندە كورسەتە ءبىلدى.
جاس مامان ليتسەيدە جۇمىس ىستەگەن العاشقى كۇننەن-اق ەڭبەكقورلىعى جانە ادالدىعىمەن ەرەكشەلەندى. جوعارى ءبىلىمى, كوشباسشىلىق قاسيەتتەرىمەن ارىپتەستەرىنىڭ اراسىندا كوزگە ءتۇستى. ونىڭ تالانتى, ەڭبەككە, وقۋشىلارىنا دەگەن سۇيىسپەنشىلىگىنىڭ ارقاسىندا ۇجىم مەن باسشىلىقتىڭ, وقۋشىلاردىڭ, اتا-انالاردىڭ تاراپىنان قۇرمەت پەن العىسقا بولەندى.
ءبىلىم الۋشىلارىنىڭ جەتىستىكتەرى: بيولوگيا پانىنەن رەسپۋبليكالىق وليمپيادا ءى ورىن (2021, 2022 جج.), ءىىى ورىن (2022 ج.); بيولوگيا پانىنەن حالىقارالىق وليمپيادا ءىى ورىن (2022 ج.); جاسوسپىرىمدەر اراسىندا حالىقارالىق وليمپيادادا ءىىى ورىن (2021 ج.); جاسوسپىرىمدەر اراسىندا حالىقارالىق وليمپيادا ءىى ورىن (2021 ج.).
مۇعالىم – ماماندىق, ۇستازدىق – قاسيەت. ياعني ۇستاز بولۋ – ادام بويىنداعى ۇلى قاسيەتتىڭ ءبىرى. ەندەشە وسىناۋ ۇلكەن ۇعىمداعى ۇستازدىق قاسيەتكە بارىنشا ادالدىق تانىتىپ, بار سانالى عۇمىرىن وسى سالاعا ارناعان ۇستازدارعا قانداي ماقتاۋ, ماداق ايتساق تا ارتىقتىق ەتپەيدى.
«التى الاشتىڭ بالاسى باس قوسسا, توردەگى ورىن – مۇعالىمدىكى» دەيدى ماعجان جۇماباەۆ. قاجىرلى ەڭبەكتەرىڭىز بەن ماماندىققا دەگەن ادالدىقتارىڭىز ءۇشىن العىس
