ەلوردادا 1 ماۋسىم كۇنى كوپبەيىندى اۋرۋحانالاردىڭ اكۋشەرلىك بلوكتارىندا 107 بالا دۇنيەگە كەلدى. ونىڭ 54-ءى – قىز بالا, 53-ءى – ۇل بالا.
[smartslider3 slider=3159]
دارىگەرلەردىڭ ايتۋىنشا, سابيلەر مەن جاڭا بوسانعان انالار وزدەرىن جاقسى سەزىنەدى. قالىپتاسقان ىزگى ءداستۇر بويىنشا جىل سايىن 1 ماۋسىم كۇنى دۇنيە ەسىگىن اشقان نارەستەلەرگە ارنالعان ءىس-شارالار ۇيىمداستىرىلادى. بۇل كۇنى بوسانعان ايەلدەرگە نۇر-سۇلتان قالاسى اكىمىنىڭ اتىنان العىس حاتتار, نارەستەلەرىنە ارنالعان سىيلىقتار تاپسىرىلدى.
«ماعان ەكى بالانىڭ اناسى بولۋى باقىتى بۇيىردى. جاڭا تۋعان قىزىمىزعا كاۋسار دەپ ات قويدىق. دارىگەرلەر مەن مەديتسينا قىزمەتكەرلەرىنىڭ قارىم-قاتىناسى مەن كاسىبيلىگىنىڭ ارقاسىندا جەڭىل بوساندىم. ولارعا دەگەن العىسىم شەكسىز» دەيدى قالا تۇرعىنى زاعيرا سەيىتاقىنقىزى.
