10 مىڭعا جۋىق كورەرمەن
![](https://astana-akshamy.kz/wp-content/uploads/2022/07/2b054218ea4c60ec629dcdea9434b2b9_1280x720.jpeg)
قالا كۇنىنە ارنالعان اۋقىمدى Open air «حالىقپەن بىرگە» كونتسەرتى ءوتتى. «استانا ارەنا» ستاديونىنا ءىس-شارانى تاماشالاۋعا 10 مىڭعا جۋىق كورەرمەن جينالدى. ولاردىڭ اراسىندا تەك جاستار عانا ەمەس, جاسى ۇلكەن قوناقتار دا بولدى. Open air كونتسەرتىنىڭ كوركىن جاستاردىڭ سۇيىكتىلەرىنە ارنالعان Ninety One, Akha, Amre, RaiM, Abdr قىزدىرا ءتۇستى.
– ءبىز اۋقىمدى ءىس-شارا وتكىزدىك. كونتسەرتكە 20-عا جۋىق وتاندىق ەسترادا جۇلدىزى, ولاردىڭ ىشىندە مارجان اراپباەۆا, زارينا وماروۆا, الىشەر كارىموۆ, ەرجان ماقسۇم قاتىستى. سونداي-اق جاستاردىڭ سۇيىكتىلەرى دە ساحنادا ءوز ونەرىن كورسەتتى, – دەدى نۇر-سۇلتان قالاسى مادەنيەت باسقارماسى باسشىسىنىڭ ورىنباسارى جاڭاباي مەيىرمانقۇلوۆ.
Open air ۇيىمداستىرۋشىلارى كورەرمەندەرگە ىڭعايلى بولۋ ءۇشىن ءىس-شارا كۇنى ارنايى اۆتوبۋس ۇيىمداستىردى. كولىك كەلۋشىلەردى قالادان الاڭعا جەتكىزدى. جاۋعان جاڭبىرعا قاراماستان, حالىق كونتسەرتتى سوڭىنا دەيىن تاماشالادى.