بيىل ەلوردانىڭ 22 مىڭعا جۋىق تۇرعىنىن جۇمىسپەن قامتۋ جوسپارلانىپ وتىر. ونىڭ ىشىندە تۇراقتى جۇمىس ورنىنا جۇمىسقا ورنالاستىرۋمەن – 7150 ادام, ۋاقىتشا, مەملەكەت سۋبسيديالايتىن شارامەن 3,5 مىڭنان استام ادام قامتىلدى. 1900-گە جۋىق ادام ءتۇرلى وقۋ فورمالارىنان وتەدى. سونىمەن قاتار بيزنەس-يدەيالاردى ىسكە اسىرۋعا 350 مەملەكەتتىك گرانت بەرىلەدى.
ماۋسىم ايىنىڭ باسىندا ەلوردانىڭ حالىقتى جۇمىسپەن قامتۋ ورتالىعىندا 4781 ادام جۇمىسسىز بويىنشا ەسەپتە تۇر. جۇمىسپەن قامتۋ ءىس-شارالارىمەن 4543 ادام قامتىلدى, ولاردىڭ 1757-ءسى – جاستار. بۇگىندە ەلوردانىڭ حالىقتى جۇمىسپەن قامتۋ ورتالىعى «جاستار پراكتيكاسى», «الەۋمەتتىك جۇمىس ورىندارى», «قوعامدىق جۇمىستار» باعدارلامالارىن, «ءبىرىنشى جۇمىس ورنى», «ۇرپاقتار كەلىسىمشارتى» جانە «كۇمىس جاس» جوبالارىن ىسكە اسىرۋدا.
جاستار پراكتيكاسى بىتىرۋشىلەردىڭ العان كاسىبى بويىنشا وقۋدى اياقتاعاننان كەيىن 3 جىل ىشىندە باستاپقى جۇمىس تاجىريبەسىن الۋعا ارنالعان. بيىل وسى جۇمىس اياسىندا مىڭعا جۋىق ادامدى قامتۋ جوسپارلانىپ وتىر. بۇگىنگى تاڭدا باعدارلاماعا ءبىلىم بەرۋ ۇيىمدارىنىڭ 231 تۇلەگى قاتىسادى, ونىڭ ىشىندە 187 ادام جوعارى وقۋ ورنىن, 44 تۇلەك كوللەدج بىتىرگەن.
جۇمىس بەرۋشى جۇمىسسىزداردى جۇمىسقا ورنالاستىرۋ ءۇشىن ولاردىڭ جالاقىسىن سۋبسيديالاي وتىرىپ, الەۋمەتتىك جۇمىس ورىندارىن قۇرادى. جۇمىس ۋاقىتشا, ونىڭ ۇزاقتىعى 12 ايدان اسپايدى. 2022 جىلى 130 ادامدى جۇمىسقا ورنالاستىرۋ جوسپارلانىپ وتىر. «ءبىرىنشى جۇمىس ورنى» جوباسىنىڭ قاتىسۋشىلارى – 29 جاستان اسپاعان, ونىڭ ىشىندە NEET ساناتىنا جاتاتىن, جۇمىس تاجىريبەسى جوق جاستار. سۋبسيديا مولشەرى ايىنا 30 اەك-ءتى قۇرايدى. جوباعا قاتىسۋ ۇزاقتىعى – 18 اي. بيىل 179 ادامدى جۇمىسقا ورنالاستىرۋ جوسپارلانىپ وتىر. قوعامدىق جۇمىستارعا ەلوردا تۇرعىندارىن الدىن الا كاسىبي دايىندىقسىز جۇمىسقا ورنالاستىرۋعا بولادى. جۇمىس ۇزاقتىعى 12 ايدان اسپايدى. بيىل قوعامدىق جۇمىستارعا 2 مىڭ ادامدى, ونىڭ ىشىندە جاستار اراسىنان مىڭ ادامدى جىبەرۋ جوسپاردا بار.
