حالىق سانىنىڭ وسۋىمەن نۇر-سۇلتان قالاسىندا جىل ساناپ كوپقاباتتى تۇرعىن ءۇي قۇرىلىسىنىڭ كولەمى دە ۇلعايا ءتۇستى. سونىمەن بىرگە ەسكى تۇرعىن ۇيلەردى قاجەتتى ينجەنەرلىك-ينفراقۇرىلىممەن قامتاماسىز ەتۋ ماسەلەسى دە كۇن تارتىبىنەن تۇسكەن ەمەس.
تۇرعىنداردىڭ ءومىر ءسۇرۋ ساپاسىن جاقسارتۋدا كوپقاباتتى تۇرعىن ۇيلەردە ليفت جۇمىسىنىڭ توقتاۋسىز جۇمىس ىستەۋى ماڭىزدى. وسى ورايدا نۇر-سۇلتان قالالىق تۇرعىن ءۇي جانە تۇرعىن ءۇي ينسپەكتسيا باسقارماسى بيىل شاھارداعى كوپقاباتتى تۇرعىن ۇيلەردەگى اپاتتى جاعدايداعى 34 ليفت قۇرىلعىسىن اۋىستىرۋعا ءتىزىم جاسادى. تىزىمگە ساي جاقىندا قايرات رىسقۇلبەكوۆ كوشەسى 7-ءۇي مەكەنجايىنداعى تۇرعىن ۇيگە جاڭا 4 ليفت ورناتىلدى.
نەگىزىندە ليفت اۋىستىرۋ, جوندەۋ جۇمىستارىن قازاقستان رەسپۋبليكاسىندا تۇرعىن ءۇي-كوممۋنالدىق دامۋدىڭ 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى اياسىندا دا جۇرگىزۋگە بولادى. باعدارلاماعا قاتىسۋ ءۇشىن پاتەر يەلەرىنىڭ جالپى جينالىسىن وتكىزىپ, وندا ءليفتتى اۋىستىرۋ نەمەسە قايتا جوندەۋ بويىنشا وڭ شەشىم شىعارىلۋى كەرەك. سول شەشىم نەگىزىندە تۇرعىندار رەسپۋبليكا داڭعىلى, 32-ءۇي, 4-قاباتتاعى «وركەن قالا» جاۋاپكەرشىلىگى شەكتەۋلى سەرىكتەستىگىنە ءوتىنىش بەرە الادى.
