استانا
استانا اۋەجايىندا جولاۋشىلاردى تۇسىرۋگە ارنالعان جول جەلىسى ورناتىلدى. ارنايى جول جەلىسى 2018 جىلعى 21 شىلدەدەن باستاپ جۇمىس ىستەي باستايدى. ەنگىزىلەتىن جاڭالىقتار كولىك جۇكتەمەسىن ءتيىمدى باسقارۋعا, ورىنتۇراق كەڭىستىگىن پايدالانۋدى وڭتايلاندىرۋعا جانە زاڭسىز تاسىمالداۋشىلارمەن ناتيجەلى كۇرەسۋگە مۇمكىندىك بەرەدى دەپ كۇتىلەدى.
اقمولا وبلىسى
«جاس قۇتقارۋشى-2018» جاسوسپىرىمدەر اراسىنداعى رەسپۋبليكالىق بايقاۋىنىڭ قورىتىندىسى شىعارىلدى. رەسپۋبليكانىڭ تۇكپىر-تۇكپىرىنەن كەلگەن 16 جاسقا دەيىنگى جاستار ءورت ءسوندىرۋ, سۋعا كەتكەندەردى قۇتقارۋ سياقتى سىنداردان ءوتىپ, ءوزارا سايىستى.
اتىراۋ وبلىسى
«كاسپيدەن ەرتىسكە دەيىن» دەپ ۇرانداتقان اتىراۋلىق 60 وقۋشى ولكەتانۋ شاراسى اياسىندا باياناۋىلدىڭ كيەلى جەرلەرىن ارالايدى. بالالاردىڭ دەمالىس باعدارلاماسىنا ءماشھۇر ءجۇسىپ كوپەيۇلىنىڭ كەسەنەسىنە, جاسىباي باتىردىڭ ەسكەرتكىشى مەن جاسىباي وزەنىنە بارۋ, قوڭىر اۋليە ۇڭگىرىن ارالاۋ, قولا داۋىرىندەگى ارحەولوگيالىق ەسكەرتكىشتەرمەن تانىسۋ سياقتى شارالار ەنگىزىلگەن. اتالمىش شارا باياناۋىل اۋدانى تورايعىر اۋىلىندا دۇنيەگە كەلگەن قازاقتىڭ اقىن-جازۋشىسى سۇلتانماحمۇت تورايعىروۆتىڭ 125 جىلدىعىنا وراي ۇيىمداستىرىلىپ جاتىر. پودبەريتە سەبە بونۋس كودى دليا ونلاين كازينو ي ناچنيتە يگرۋ سوۆەرشەننو بەسپلاتنو سرازۋ پوسلە رەگيستراتسي!
قىزىلوردا وبلىسى
وبلىستىق ورمان, اڭ جانە بالىق شارۋاشىلىعى سالاسى ارداگەرلەرىنىڭ ءبىر توبى بۇكىل تۇركى الەمىنىڭ ساياسي ءارى رۋحاني ورتالىعى بولعان تۇركىستان قالاسىنا ساپارلاپ قايتتى. ونەگەلى ساپاردى شيەلى ورمان جانە جانۋارلار دۇنيەسىن قورعاۋ مەملەكەتتىك مەكەمەسىنىڭ ديرەكتورى ج.اليەۆ باستاعان ۇجىم ۇيىمداستىردى.
پاۆلودار وبلىسى
پاۆلوداردا «ERTIS CINEMA» قىسقا دەرەكتى جانە كوركەم فيلمدەردىڭ I حالىقارالىق كينوفەستيۆالىنىڭ اشىلۋ سالتاناتى ءوتتى. تۇڭعىش رەت ۇيىمداستىرىلعان شاراعا رەسپۋبليكاعا بەلگىلى كاسىبي كينورەجيسسەرلەر مەن اكتەرلەر ارنايى قاتىستى. ءۇش كۇنگە سوزىلاتىن كينوفەستيۆالدە قازاق كينوسىنىڭ اتاسى – شاكەن ايمانوۆتىڭ جەرلەستەرى قازاقستانمەن قوسا, رەسەيدىڭ, تاجىكستاننىڭ, قىرعىزستاننىڭ, وزبەكستاننىڭ, بەلارۋستىڭ, سونىمەن قاتار, ەۋروپالىق كينورەجيسسەرلەردىڭ ەڭبەكتەرىن تاماشالايتىن بولادى.
سولتۇستىك قازاقستان وبلىسى
قىزىلجار اۋدانىنا قاراستى بەسكول ەلدى مەكەنىندە جىل سايىن وتەتىن «اقبيداي-2018» جازعى سپارتاكياداسى جالاۋىن جەلبىرەتتى. بيىل ءدۇبىرلى دودا ەڭسەلى ەلوردامىزدىڭ 20 جىلدىق مەرەيتويىنا ارنالىپ وتىر. ءۇش كۇنگە سوزىلاتىن سپورت سايىسىندا ءوڭىردىڭ ءار اۋدانىنان كەلگەن 1900-دان استام ۇمىتكەر سپورتتىڭ 15 تۇرىنەن كۇش سىناسپاق.
