Aqjol دەموكراتيالىق پارتياسىنىڭ جامبىل وبلىستىق فيليالىنىڭ ۇگىت-ناسيحات توبى تاراز قالاسىنداعى ورتالىق ساياباق ۇجىمىمەن كەزدەستى.
– وسى ساياسي ناۋقانعا قاتىسقان بارلىق پارتيالاردىڭ 10 جەلتوقساننان باستاپ ۇگىت-ناسيحات جۇمىستارىن باستاعانى بارشاعا بەلگىلى. «الاش» قوزعالىسى قايراتكەرلەرىنىڭ ۇلتتىق يدەياسىن قاعيداتقا اينالدىرعان 20 جىلدىق تاريحى بار Aqjol پارتياسى دا وسى ساياسي ناۋقانعا بەلسەنە قاتىسۋدا. ءبىزدىڭ كانديداتتار ەلىمىزدىڭ تۇكپىر-تۇكپىرىنە بارىپ سايلاۋالدى باعدارلاماسىن ءتۇسىندىرىپ, پارتيا اتقارعان جۇمىستار تۋرالى ايتۋدا. بۇگىن ءبىز دە سىزدەرمەن وسى ماقساتتا كەزدەسىپ وتىرمىز, – دەپ اتاپ ءوتتى فيليال توراعاسى اسان قوشمامبەتوۆ.
كەزدەسۋ بارىسىندا پارتيا فيليالى توراعاسىنىڭ ورىنباسارى سەيسەگۇل دۇيسەبايقىزى پارتيانىڭ سايلاۋالدى باعدارلاماسىمەن تانىستىردى. ول ونداعى سىبايلاس جەمقورلىققا قارسى باستامالار تۋرالى ايتتى.
– ەگەر سىبايلاس جەمقورلىق جويىلسا, كوپتەگەن ماسەلەلەر شەشىلەدى. كەدەيلەر مەن بايلار اراسىنداعى الشاقتىق قىسقارادى, – دەدى پارتيا وكىلى.
سەيسەگۇل دۇيسەبايقىزى بۇگىنگى تاڭدا حالىقتىڭ ءال-اۋقاتىن ارتتىرۋ باسىمدىققا يە ەكەنىن اتاپ ءوتتى. «ءبىزدىڭ ەلىمىزدە بيزنەستى, الەۋمەتتىك سالانى, اۋىل شارۋاشىلىعىن دامىتۋعا باعىتتالعان كوپتەگەن مەملەكەتتىك باعدارلامالار بار. ءبىز ولاردى ورىندالماي جاتىر دەپ ايتا المايمىز. دەگەنمەن قوماقتى قاراجات بولىنگەن باعدارلامالار وڭىرلەردە ناشار ىسكە اسىرىلۋدا, ولاردىڭ كەيبىرەۋلەرى ءتىپتى توقتاپ قالدى. سوندىقتان ءبىز ءبىرىنشى كەزەكتە وسىنداي جوسپارلى باعدارلامالاردى جۇزەگە اسىرۋعا كۇش سالۋىمىز كەرەك» دەپ اتاپ ءوتتى ول.
كەزدەسۋ بارىسىندا ورتالىق پارك قىزمەتكەرلەرى اتاۋلى الەۋمەتتىك كومەك, كاسىپكەرلىك جانە تۇرعىن ءۇي-كوممۋنالدىق شارۋاشىلىق سالالارىنا قاتىستى سۇراقتار قويىپ, مازمۇندى جاۋاپتار الدى.