ەلوردادا جاڭادان سالىنىپ جاتقان بالاباقشا, مەكتەپ جانە كوللەدجدەردىڭ قۇرىلىسىنا قالا اكىمدىگى ايرىقشا ماڭىز بەرىپ وتىر, دەپ حابارلايدى استانا قالاسى اكىمدىگىنىڭ مەديا ورتالىعى.
جىل سوڭىنا دەيىن ارقايسىسى
240 ورىنعا ارنالعان ەكى بالاباقشا پايدالانۋعا بەرىلەدى. ولاردىڭ ءبىرى – سارايشىق شاعىن اۋدانىندا, ال ەكىنشىسى ماكارەنكو جانە راديششەۆ كوشەلەرىنىڭ قيىلىسىنا جاقىن جەردە سالىنىپ جاتىر.
بۇگىنگى تاڭدا مەملەكەتتىك – جەكە ارىپتەستىك اياسىندا 1680 ورىنعا ارنالعان 6 بالاباقشانىڭ جوباسى جۇزەگە اسىرىلۋدا. بۇلاردىڭ بەرىلۋ مەرزىمى – 2019 جىل. سونىمەن قاتار, جاڭادان اشىلعان 79 جەكە مەنشىك بالاباقشادا مەملەكەتتىك تاپسىرىستى ورىنداۋ اياسىندا 6359 ورىن اشىلادى.
استانا اكىمىنىڭ قاتىسۋىمەن وتكەن كوشپەلى كەڭەستە سارىارقا اۋدانىندا ورنالاسقان 1 200 ورىنعا ارنالعان مەكتەپ قۇرىلىسىنىڭ بارىسى باياندالدى. قۇرىلىستىڭ اياقتالۋى – 2018 جىلدىڭ تامىز ايى. عيمارات كۇمىسبەكوۆ – بيگەلدينوۆ, اباي مەن سارىارقا داڭعىلى ايماعىندا ورنالاسقان.
جاڭا وقۋ جىلىندا مەكتەپتەردە ورىن جەتىسپەۋشىلىكتى شەشۋ ماقساتىندا 2 600 ورىنعا ارنالعان بەس جاپسارلى عيمارات سالىنىپ, قولدانىسقا بەرىلدى. جاڭا كورپۋستار مىنا مەكەنجايلاردا ورنالاسقان: № 37 مەكتەپ – كۇيشى دينا 46/2, № 16 مەكتەپ – كەنەسارى 81, № 17 مەكتەپ-گيمنازيا – قابانباي باتىر 9/1, № 22 مەكتەپ – جيرەنتاەۆ 16,
№ 32 مەكتەپ – ابىلاي حان 25/3. اسەت يسەكەشەۆ بارلىق كورپۋستىڭ دايىندىعىن تەكسەردى.
سونىمەن قاتار, اكىم كۇردەلى جوندەۋ جۇرگەن № 29 ورتا مەكتەپتە بولدى. بۇل مەكتەپتە بىلتىر سىمنىن قىسقا تۇيىقتالۋىنان ءورت شىعىپ, ءبىلىم وشاعىنا ايتارلىقتار زاقىم كەلتىرگەن. وسى جازدا جاڭا بلوك تۇرعىزىلىپ, ينجەنەرلىك جەلىلەر وتكىزىلدى, جاڭا تەرەزەلەر مەن ەسىكتەر ورناتىلدى.
قالامىزدىڭ 74 ورتا ءبىلىم بەرۋ مەكەمەسىندە ەرەكشە قاجەتتىلىكتەرى بار بالالارعا ارنالعان ينكليۋزيۆتى ءبىلىم بەرۋ ۇيىمداستىرىلدى. وقۋ بارىسىنا ءارتۇرلى دياگنوزى بار وقۋشىلار بارادى (قانت ديابەتى, ەپيلەپسيا, تۋا بىتكەن دامۋ اقاۋلارى, تىنىس دەمىكپەسى, لەيكوز جانە ت/ب).
سونىمەن قاتار, اسەت يسەكەشەۆ مۇگەدەك بالالارعا ارنالىپ اشىلعان كاراتە جانە ءجۇزۋ سەكتسيالارى جۇمىسىمەن تانىستى. قازىرگى كۇنى باس قالامىزدا مۇمكىندىگى شەكتەۋلى بالالاردىڭ سپورتپەن ەركىن شۇعىلدانۋىنا بار مۇمكىندىك جاسالۋدا.
كوشپەلى كەڭەس بارىسىندا قاراساي باتىر كوشەسىندە ورنالاسقان كوپسالالى كوللەدجدىڭ كۇردەلى جوندەۋ جۇمىستارى تۋرالى باياندالدى. وقۋ ورنىنىڭ ەكى بلوگىندا جوندەۋ اياقتالعان, ءۇشىنشى بلوكتا جوندەۋ جۇمىستارى ءجۇرىپ جاتىر.
بيىل مىنا مەكەنجايلار بويىنشا 9900 ورىنعا ارنالعان 9 مەكتەپتىڭ قۇرىلىسى باستالدى:
1. اباي – بيگەلدينوۆ كوشەلەرى قيىلىسىندا ورنالاسقان 1200 ورىندىق مەكتەپ;
2. وقجەتپەس – بوكەەۆ كوشەلەرى قيىلىسىندا ورنالاسقان 1200 ورىندىق مەكتەپ;
3. قورعالجىن تاسجولىندا ورنالاسقان 900 ورىنعا ارنالعان مەكتەپ;
4. ناجىمەدەنوۆ – قالداياقوۆ كوشەلەرى قيىلىسىندا ورنالاسقان 1200 ورىنعا ارنالعان مەكتەپ;
5. وقجەتپەس – قارتالى كوشەلەرى قيىلىسىندا ورنالاسقان 1200 ورىندىق مەكتەپ;
6. سەيفۋللين – وماروۆ كوشەلەرى قيىلىسىندا ورنالاسقان 900 ورىنعا ارنالعان مەكتەپ;
7. ساۋران – № 26 جانە حۋسەين بەن
تالال كوشەلەرى قيىلىسىندا ورنالاسقان 1200 ورىندىق مەكتەپ;
8. № 41 – جۇماباەۆ كوشەلەرى قيىلىسىندا ورنالاسقان 1200 ورىندىق مەكتەپ;
9. № 31 – نۇرا ەسىل كوشەلەرى قيىلىسىندا ورنالاسقان 1200 ورىندىق مەكتەپ.
سونىمەن قاتار, يمانوۆ – برۋسيلوۆسكي كوشەلەرى قيىلىسىندا 900 ورىنعا ارنالعان ونىنشى مەكتەپتىن قۇرىلىسى جوسپارلانعان. تۇرعىندارى نەعۇرلىم تىعىز ورنالاسقان اۋدانداردا 37 مەكتەپ جانە 10 قوسىمشا قۇرىلىس جۇرگىزۋ ءۇشىن جەر ۋچاسكەلەرىن ءبولۋ بويىنشا ماسەلەلەر قارالدى.
كوشپەلى كەڭەس بارىسىندا, قالا اكىمى اسەت يسەكەشەۆ ءبىلىم باسقارماسىنىڭ باسشىسىنا جانە ورىنباسارلارىنا قۇرىلىسى ءجۇرىپ جاتقان ءبىلىم وشاقتارىن قاداعالاۋدى تاپسىردى.
