بيىل باي̆قوڭىر اۋدانىندا اباتتاندىرۋ بويىنشا اۋقىمدى جۇمىستار جۇرگىزىلدى. تۇرعىنداردىڭ تۇرمىسىنا قولايلىلىق جاساپ, جايلى ورتا ازىرلەۋ ءۇشىن ىستەلگەن بۇل جۇمىستارعا اۋدان تۇرعىندارى دا ءدان ريزا.
باي̆قوڭىر اۋداندا 236 اۋلا بار. قازىرگە دەيىن اۋدانداعى 53 اۋلادا اباتتاندىرۋ جۇمىستارى تولىق اياقتالدى. سونىڭ ىشىندە بيىلعى جوسپار اياسىندا «جاستار» مولتەك اۋدانىنىڭ 17 اۋلاسى اباتتاندىرىلىپ, تۇرعىندارعا پاي̆دالانۋىنا بەرىلدى. 22 اۋلادا جوندەۋ-قالپىنا كەلتىرۋ جۇمىستارى جۇرگىزىلدى. سونىمەن قاتار بيىلعى جىلى اۋداندا 11 جاڭا قوعامدىق كەڭىستىك اباتتاندىرىلدى.
كەشكى ۋاقىتتا تۇرعىنداردىڭ قاۋىپسىزدىگىن قامتاماسىز ەتۋ ءۇشىن اۋدان اي̆ماعىندا جارىقتاندىرۋ ماسەلەسىنە دە كوپ كوڭىل ءبولىنىپتى. وسى ماقساتتا «استانا قالالىق جارىق» جشس جەدەل توپ وكىلدەرى كۇن ساي̆ىن اۋدانداعى كوشەلەر مەن ساياباقتاردا جارىقتاندىرۋ مەن جوندەۋ جۇمىستارىن جۇرگىزۋدە. سونداي̆-اق بيىل اباتتاندىرۋ جۇمىستارىن جۇرگىزۋ شەڭبەرىندە اۋدانداعى اۋلالار اۋماعىندا 240 جارىقديودتى شامدار ورناتىلدى.
كەنەسارى كوشەسىنەن عۇمار قاراش كوشەسىنە دەي̆ىنگى ارالىقتا بۇرىن جارىق بولماعان. قازىر بۇل كوشەلەردە ەلەكتر شامى جايناپ تۇر. س.راحىموۆ كوشەسىندە جارىقديودتى شامدارمەن كوشەنى جارىقتاندىرۋ تىرەكتەرىن ورناتۋ جۇمىستارى دا قاۋىرت ءجۇرىپ جاتىر. ك.اتاتۇرىك اتىنداعى ساياباقتا جارىقتاندىرۋدى قاي̆تا قۇرۋ جۇمىستارى باستالىپ, الاش تاس جولىندا جارىق جەلىسىندە قىسقا تۇي̆ىقتالۋلار پاي̆دا بولعاندىقتان, ەلەكتر سىمىن اۋىستىرۋ جۇمىستارى قولعا الىندى.
اۋدان اكىمدىگى قاشان دا اۋماقتى كوگالداندىرۋعا ەرەكشە نازار اۋدارىپ كەلەدى. ماسەلەن, بيىل باي̆قوڭىر اۋدانى بوي̆ىنشا 1036 اعاش وتىرعىزىلدى. تۇرعىن الاپتارداعى جاڭا قوعامدىق كەڭىستىكتەر اۋماعىندا دا اۋقىمدى كوگالداندىرۋ جۇمىستارى جۇرگىزىلدى. ال كۇزگى ۋاقىتتا اۋدان اۋماعىندا قاراعاي̆, قاي̆ىڭ, ەمەن سىندى 467 ءتۇپ اعاش, سيرەن, بادام سىندى 1400 دانا بۇتا وتىرعىزۋ جوسپارلانىپ وتىر.
جول-كولىك ينفراقۇرىلىمىن جاقسارتۋ اۋدان اكىمدىگى جۇمىسىنداعى باسىم ماسەلەلەردىڭ ءبىرى بولىپ تابىلادى. اتالعان اۋداندا ۇزىندىعى 219 كم 216 كوشە ورنالاسقان, ونىڭ ىشىندە 137 كوشەنىڭ ۇزىندىعى 182,5 كم اسفالتبەتون جابىنى بار. بيىل اۋداندا 13 كوشەگە جوندەۋ جۇمىستارى جۇرگىزىلدى. جىل سوڭىنا دەيىن تاعى 22 كوشەگە جوندەۋ جۇرگىزۋ جوسپارلانۋدا. سونداي-اق جالپى ۇزىندىعى 7700 مەتر بولاتىن 40 كوشەگە قۇم توگىلدى. سونىمەن قاتار بيىل جانگەلدين جانە ءۋاليحانوۆ كوشەلەرىن قوسۋ بويىنشا جۇمىستار باستالدى, بۇل جۇمىستى 2021 جىلعا اياقتاۋ جوسپارلانعان.
اۋداندا 189 ايالداما پۋنكتى بار. بيىل اۋداندا 20 پاۆيلون ورناتىلدى, ونىڭ ىشىندە ۇشەۋى – جىلى ايالداما. اۋدان باسشىلارىنىڭ مالىمەتىنشە, جىل سوڭىنا دەيىن ينۆەستوردىڭ ەسەبىنەن ا.جۇبانوۆ كوشەسى بويىنان ەكى جىلى ايالداما كەشەنىن ورناتۋ جوسپارلانىپ وتىر.
جولدار جوندەلىپ, اۋلالار اباتتاندىرىلعانىنا تۇرعىندار دا ءدان ريزا. «بايقوڭىر اۋدانى قۇرىلعانىنا ۇزاق ۋاقىت بولماسا دا, اۋداندا اتقارىلعان جۇمىستار از ەمەس. سونىڭ ءبىرى رەتىندە اۋلالاردى اباتتاندىرۋدى اتاۋعا بولادى. قاراۋسىز جاتقان, توزىعى جەتكەن اۋلالار اباتتاندىرىلعاننان كەيىن, ءبىزدىڭ ومىرىمىزگە وزگەشە ءوڭ كىردى. بالالاردىڭ قاۋىپسىز جەردە ويناۋىنا, ۇلكەندەردىڭ تاڭەرتەڭ-كەش سەيىل سەرۋەن قۇرۋىنا وتە ىڭعايلى بولدى» دەدى اۋدان تۇرعىنى جاناسىل قىدىرموللاۇلى.
