ادال ۇرپاق

سىبايلاس جەمقورلىققا قارسى مادەنيەتتى قالىپتاستىرۋ ماقساتىندا ەلوردادا «جاستار سىبايلاس جەمقورلىققا قارسى» ۇرانىمەن «ادال ۇرپاق» ەرىكتى مەكتەپ كلۋبتارىنىڭ قالالىق ءسليوتى باستالدى.

ءسليوتتىڭ ماقساتى – قازىرگى قوعامداعى سىبايلاس جەمقورلىققا قارسى ءىس-قيمىل ماسەلەسىنە نازار اۋدارا وتىرىپ, وقۋشىلاردىڭ بويىندا سىبايلاس جەمقورلىققا قارسى مادەنيەتتى جانە سىبايلاس جەمقورلىققا «نولدىك» توزىمدىلىكتى قالىپتاستىرۋ. وسىعان بايلانىستى نۇر-سۇلتان قالاسى اۋداندارىنىڭ مەكتەپتەرى اراسىندا كەلەسى نوميناتسيالار بويىنشا كونكۋرستار وتەدى:

1. سىبايلاس جەمقورلىققا قارسى تاقىرىپپەن TikTok قوسىمشاسىنداعى ۇزدىك روليك;
2. «ادال ەڭبەك – جارقىن ءومىر» تاقىرىبىنداعى ۇزدىك سۋرەت;
3. «ادال ۇرپاق – قوعامدىق ءتارتىپ نەگىزى» تاقىرىبىنداعى ۇزدىك تانىستىرۋ;
4. «ادال ۇرپاق – جارقىن بولاشاق» تاقىرىبىنا ۇزدىك بەينەروليك.

اتالمىش سليوت اياقتالعاننان كەيىن بايقاۋ نوميناتسيالارىنداعى جەڭىمپازدار قۇرمەت گراموتالارىمەن جانە ديپلومدارمەن ماراپاتتالادى. «ادال ۇرپاق» ەرىكتى كلۋبتارىنىڭ جيىنى جىل سايىن وتكىزىلەدى جانە قازاقستان رەسپۋبليكاسىنىڭ سىبايلاس جەمقورلىققا قارسى مادەنيەتىن دامىتۋعا جانە وقۋشىلاردىڭ بويىندا پاراساتتىلىق, ادالدىق جانە ادىلدىك سياقتى قاسيەتتەردى قالىپتاستىرۋعا ۇلكەن ۇلەس قوسادى.