30 قىركۇيەك ادىلەت ورگانى قىزمەتكەرلەرى ءۇشىن جاڭا كاسىبي مەرەكەگە اينالدى. «ادىلەت» دەگەن ءسوزدىڭ ءوزى زاڭمەن تىعىز بايلانىستى. لاتىن تىلىنەن اۋدارعاندا بۇل ءسوز «ادىلدىك, زاڭدىلىق»دەگەندى بىلدىرەدى.
قازاقستانداعى ادىلەت ورگاندارى زاڭ شىعارۋشى ەمەس, اتقارۋشى بيلىك ورگاندارىنا جاتادى. ولار مەملەكەت قىزمەتىن قۇقىقتىق قامتاماسىز ەتۋدە جانە مەملەكەتتىك ورگانداردىڭ جۇمىسىندا زاڭدىلىق رەجيمىن ساقتاۋدا ماڭىزدى ءرول اتقارادى. ادىلەت ورگاندارى ادام مەن ازاماتتىڭ قۇقىعى مەن بوستاندىعىنىڭ ۇستەمدىگىن, سونداي-اق, قازاقستان رەسپۋبليكاسىنىڭ ەگەمەندىگىن قامتاماسىز ەتە وتىرىپ, ۇلتتىق زاڭنامانى قالىپتاستىرۋعا قاتىسادى.
ادىلەت ورگاندارىنىڭ نەگىزگى مىندەتىنىڭ ءبىرى – نورماتيۆتىك قۇقىقتىق اكتىلەردىڭ جوبالارىن, ونىڭ ىشىندە جەرگىلىكتى ءوزىن-ءوزى باسقارۋ ورگاندارىنىڭ شەشىمدەرى مەن قاۋلىلارىن زاڭدىق ساراپتاۋ. ولار وسى اكتىلەردىڭ وتاندىق زاڭناما نورمالارىنا سايكەستىگىن تەكسەرەدى. مۇنداي تەكسەرۋلەردىڭ قاتارىندا مىسال قالالار مەن ەلدى مەكەندەردىڭ اۋماقتارىن اباتتاندىرۋ تۋرالى ەرەجەلەر بولۋى مۇمكىن.
وسىلايشا, ادىلەت ورگاندارى قازاقستاندا زاڭدىلىق پەن ادىلەتتىلىكتى قامتاماسىز ەتۋدە ماڭىزدى ءرول اتقارادى. ولار قوعامداعى ءتارتىپتى ساقتاۋعا جانە ازاماتتار مەن ۇيىمداردىڭ زاڭدارى مەن قۇقىقتارىنىڭ ساقتالۋىنا كەپىلدىك بەرەدى. ادىلەت ورگاندارى قىزمەتكەرلەرىنىڭ كۇنىندە ولاردىڭ قۇقىقتىق مەملەكەت قۇرۋعا جانە ءاربىر ازاماتتىڭ قۇقىعى مەن بوستاندىعىن قورعاۋعا قوسقان ۇلەسى تۋرالى ايتقان ءجون.
ادىلەت ورگاندارى جىلجىمايتىن مۇلىككە قۇقىقتاردى تىركەۋدە, بالالاردىڭ تۋ تۋرالى قۇجاتىن راسىمدەۋدە, نەكەنى قيۋدا جانە بۇزۋدا, سونداي-اق, زياتكەرلىك مەنشىك قۇقىقتارىن قورعاۋدا ماڭىزدى ءرول اتقارادى. ولار سونىمەن بىرگە ينتەرنەت ارقىلى ءارتۇرلى مەملەكەتتىك قىزمەتكە قول جەتكىزۋدى قامتاماسىز ەتەدى. بۇل ازاماتتاردىڭ انىقتاما الۋىن جانە ءوتىنىش بەرۋ پروتسەسىن جەڭىلدەتەدى.
اۋماقتىق ادىلەت ورگاندارىن قوسا العاندا, قازاقستان رەسپۋبليكاسى ادىلەت مينيسترلىگىنىڭ سايتى نورماتيۆتىك قۇقىقتىق اكتىلەر تۋرالى اقپارات بەرەدى. وسى سايتتان ءارتۇرلى مەملەكەتتىك قىزمەتتى ەلەكتروندى تۇردە الۋعا مۇمكىندىك بار. بۇل ازاماتتار مەن ۇيىمداردىڭ زاڭدارمەن تانىسۋىنا جانە قىزمەتتەردى كەڭسەلەرگە بارماي-اق پايدالانۋىنا كومەكتەسەدى.
قازاقستان رەسپۋبليكاسىنىڭ ادىلەت مينيسترلىگى ازاماتتارعا «119» تەلەفون ءنومىرى بويىنشا قۇقىقتىق كومەك الۋعا مۇمكىندىك بەرەتىن اتقارۋشىلىق ءىس جۇرگىزۋ ماسەلەلەرى جونىندەگى سall-ورتالىعىن 2016 جىلدىڭ 23 قىركۇيەگىنەن باستاپ ىسكە قوستى.
قوسىمشا مالىمەتتەر قاجەت بولعان جاعدايدا, جاۋاپتى ادام ابونەنتتى جانە كونسۋلتانت-وپەراتوردى قابىلدانعان شارالار تۋرالى ءبىر ساعات ىشىندە حاباردار ەتەدى. بۇل جۇيە قۇقىقتىق ورگاندارمەن ءوزارا ءىس-قيمىلدى جەڭىلدەتۋگە جانە ازاماتتاردىڭ ماسەلەلەرىن ءتيىمدى شەشۋدى قامتاماسىز ەتۋگە ارنالعان.
ماليكا نوعايبەكوۆا,
استانا قالاسى ادىلەت دەپارتامەنتى قۇقىقتىق ءتۇسىندىرۋ
جانە حالىققا زاڭگەرلىك كومەك كورسەتۋ ءبولىمىنىڭ باسشىسى
