ەلوردانىڭ «ۇركەر» تۇرعىن الابىنداعى ك.اقىشەۆ اتىنداعى №69 مەكتەپ-گيمنازيادا «اكە مەن بالا» فورۋمى بيىل دا جالعاستى.
فورۋمنىڭ وتۋىنە قورعانىس مينيسترلىگى, قالالىق ءبىلىم باسقارماسى, جاستار ساياساتى ماسەلەلەرى باسقارماسى, استانا قالاسى اكىمدىگى جانىنداعى ايەلدەر ىستەرى, وتباسىلىق-دەموگرافيالىق ساياسات جونىندەگى كوميسسياسى قولداۋ ءبىلدىرىپ, ءىس-شاراعا وسى مەكەمەلەر وكىلدەرى, وقۋشىلار مەن ولاردىڭ اكەلەرى, مەكتەپ ۇجىمى قاتىستى.
– «ءبىر اكەنىڭ تاربيەسىن ءجۇز مەكتەپ بەرە المايدى» دەگەندەي, اكە – ۇرپاق پاناسى, شىڭى بيىك اسقار تاۋى. اكە مەن بالا اراسىنداعى مىزعىماس دوستىق پەن سىيلاستىق – بۇگىن مەن بولاشاقتى جالعايتىن كوپىر. سوندىقتان دا قازىرگى تاڭدا اكەلەر ينستيتۋتىن نىعايتۋ ورتالىق ازيا ەلدەرىندە عانا ەمەس, بۇل الەمگە ورتاق ماسەلەگە اينالۋدا. ءبىزدىڭ ورتاق مىندەتىمىز – جەكە تۇلعانىڭ بويىنا رۋحاني قۇندىلىقتاردى ءسىڭىرۋ عانا ەمەس, باستى ۇلتتىق قۇندىلىعىمىز سانالاتىن ءتىلىمىزدى, ءدىنىمىزدى, ءدىلىمىزدى, تاريحىمىزدى, سالت-ءداستۇرىمىزدى ايالاپ ساقتاۋعا باۋلۋ. وسى ورايدا, اكەلەر – وتباسىنىڭ يەسى عانا ەمەس, تاربيەنىڭ دە كيەسى بولعان تۇلعا. سول سەبەپتەن بۇگىنگى قوعام اكە ورنىن بيىككە قويىپ, ونىڭ مارتەبەسىن ارتتىرىپ وتىر, – دەدى اتالعان مەكتەپ-گيمنازيا ديرەكتورى جۇلدىز قۋانىشقىزى.
فورۋم بارىسىندا مەكتەپتىڭ اكەلەر كەڭەسىنىڭ توراعاسى بالجان بالقيەۆ, ءبىلىم باسقارماسىنىڭ كامەلەتكە تولماعانداردىڭ قۇقىقتارىن قورعاۋ ءبولىمىنىڭ باس مامانى گۇلسىم حاسەنوۆا, جاستار ساياساتى ماسەلەلەرى باسقارماسىنىڭ جاستار ۇيىمدارىمەن جۇمىس ءبولىمىنىڭ باسشىسى, ايەلدەر ىستەرى, وتباسىلىق-دەموگرافيالىق ساياسات جونىندەگى كوميسسياسىنىڭ مۇشەسى ايشا قۇرمانعاليقىزى, استانا قالاسى بويىنشا «ايەلدەر كۇشتەرى اليانسى» ۇيىمى توراعاسى, استانا قالاسى اكىمدىگى جانىنداعى ايەلدەر ىستەرى, وتباسىلىق-
دەموگرافيالىق ساياسات جونىندەگى كوميسسياسىنىڭ مۇشەسى نازگۇل سەيىتقوجاقىزى, اكەلەر قاۋىمداستىعىنىڭ مۇشەسى رۋسلان قوناقباەۆ ءسوز سويلەپ, قوعامداعى, ءار وتباسىنداعى اكەلەردىڭ ءرولى, ولاردىڭ بەدەلىن كوتەرۋ ماسەلەسى تۋرالى پىكىر ءبىلدىردى.
– جىل بويى ءبىزدىڭ كوميسسيا قالالىق ءبىلىم باسقارماسىمەن بىرلەسىپ مەكتەپتەردە «قاۋىپسىزدىك ساعاتى» اتتى اشىق كەزدەسۋلەر وتكىزىپ كەلەدى. بالانىڭ بولاشاعىن شەشۋ وڭاي ەمەس. ءار ماسەلەنى قازبالاپ قاراساق, تۇبىندە اتا-انالاردىڭ كىناسى جاتادى. بالانى دۇنيەگە اكەلىپ قانا قويماي, ونىڭ ەرەسەك جاسقا دەيىنگى مىنەز-قۇلقىنا, بىلىمىنە, تاربيەسىنە ۋاقىت بولمەسەك, بولاشاقتا تەپسە تەمىر ۇزەتىن, ەلىنە قامقور بولاتىن, وتباسىن قۇرىپ, وعان جاۋاپكەرشىلىك الاتىن ەر ازامات شىعارا الاتىنىمىزعا كۇمانىم بار, سونى ويلانىپ, ۇرپاق تاربيەسىنە جاۋاپكەرشىلىكپەن قارايىق, – دەدى ن.ماقجان.
فورۋم بارىسىندا قورعانىس مينيسترلىگىنىڭ №23366 اسكەري ءبولىم كومانديرى دوسىم بەلاساروۆ پەن «ايبىن» اسكەري پاتريوتتىق كلۋبى «ەرلىك» ساباعىن كورسەتتى. جيىن سوڭى مەكتەپ وقۋشىلارىنىڭ كونتسەرتتىك باعدارلاماسىنا ۇلاستى.
